- ७० टक्के भूसंपादन पूर्ण; रिंगरोडसाठी शेतक-यांना पाचपट मोबदला…
न्यूज पीसीएमसी नेटवर्क
पिंपरी (दि. २२ जुलै २०२१) :- पुणे जिल्ह्यात महाराष्ट्र राज्य रस्ते विकास महामंडळाच्या वतीने १७३ किलोमीटर रिंगरोडसाठी भूसंपादन सुरू आहे. पुण्याच्या पश्चिम भागात जमीन मोजणीचे काम सुरू आहे. पश्चिम भागातील जवळपास ७० टक्के भूसंपादनाचे काम पूर्ण करण्यात आले. उर्वरित ३० टक्के येत्या महिन्याभरात पूर्ण करण्यात येणार. त्यानंतर पूर्व भागातील जमीन भूसंपादनाचे काम सुरू करण्यात येणार असल्याचे एमएसआरडीसीचे उपअभियंता संदीप पाटील यांनी सांगितले.
पूर्व भागातील जमीन भूसंपादनाचे काम सुरू करण्यात आले आहे. यामध्ये चिंबळी, कुरुळी आदी गावांतील जमीन मोजणीला सुरुवातदेखील झाली आहे. एमएसआरडीसीने पश्चिम भागातील जमिनीचे आधी भूसंपादन पूर्ण करण्याचे ठरवले आहे. ७० टक्के मात्र, भूसंपादन झाले असून उर्वरित ३० टक्के जमिनीचे भूसंपादन युद्धपातळीवर करण्याचे आदेश अधिकारी कर्मचाऱ्यांना दिले आहेत. त्यानंतरच पूर्वभागातील भूसंपादन प्रक्रिया सुरू करण्यात येणार असल्याचे उपअभियंता संदीप पाटील यांनी सांगितले.
रिंगरोडसाठी शासन शेतक-यांना मोबदला पाचपट देण्याचा निश्चित झाले आहे. त्यामुळे अनेक गावांतील शेतकरी भूसंपादनाला सहकार्य होत आहेत. पश्चिम भागातील ७० टक्के मोजणी पूर्ण झाली आहे. उर्वरित भूसंपादन लवकरच पूर्ण करण्यात येणार आहे.
– संदीप पाटील, उपअभियंता, महाराष्ट्र राज्य रस्ते विकास महामंडळ.