- विदेशातील दोनजण ओमायक्रोनबाधित; ७२ रुग्णांची मुक्त्तता…
न्यूज पीसीएमसी नेटवर्क
पिंपरी (दि. १३ जानेवारी २०२२) :- पिंपरी-चिंचवड शहरात आज गुरुवारी (दि. १३) रोजी २२७७ जणांना कोरोनाची बाधा झालेली आहे. पिंपरी-चिंचवड शहरातील उपचाराला दहा दिवस पूर्ण झालेल्या आणि कोणतीही लक्षणे नसलेल्या ८१६ रुग्णांना डिस्चार्ज देण्यात आला आहे.
शहरातील सक्रीय रुग्णांची संख्या २९२२६१ वर पोहोचली आहे. कोरोनामुक्त रुग्णांची संख्या २७७५१७ वर पोहोचली आहे. आजपर्यंत शहरातील कोरोनामुळे ४५२८ जणांचा मृत्यू झालेला आहे. पिंपरी चिंचवड हद्दीमधील आज मृत झालेली रुग्णसंख्या ०० एवढी आहे.
दरम्यान आज ओमायक्रोनचे २ नवीन रुग्ण आढळलेले आहेत. यापैकी एक रुग्ण यु.एस.ए. व एक रुग्ण दुबई येथून आलेला प्रवासी आहे. या रुग्णांना रुग्णालयात दाखल करुन घेण्याची कार्यवाही सुरु आहे. या रुग्णांची प्रकृती स्थिर आहे. एकूण १०८ कोविड- १९ पॉझिटीव्ह रुग्णांपैकी ८५ रुग्णांची पुन्हा १० व्या दिवशी कोविड १९ ची तपासणी करण्यात आली असता कोविड १९ तपासणीचा अहवाल नकारात्मक आला आहे. या रुग्णांना घरी सोडुन गृहविलगीकरणात ठेवण्यात आलेले आहे. उर्वरित परदेशी प्रवाशांची कोविड १९ तपासणी करण्याचे कामकाज चालू आहे.