पिंपरी ते पिंपळे सौदागरकडे जाणाऱ्या पुलाचे काम प्रगतीपथावर…

न्यूज पीसीएमसी नेटवर्क

पिंपरी (दि. २० फेब्रुवारी २०२४) :- पिंपळे सौदागरकडुन पिंपरीकडे जाताना जुन्यापुला लगत नविन समांतर पुल बांधण्याचे काम चालु आहे. लवकरच त्याचे काम पुर्ण करून तो वाहतुकीसाठी खुला करण्यात येणार आहे.

या पुलाचे काम करत असताना दत्त मंदिर समोरील रस्त्याचे डांबरीकरण करताना गावठाणातील पाणी व लोंढे वस्ती आणि परिसरातील पाणी लोंढे वस्ती येथे येते. त्या पाण्याचा निचरा होणे आवश्यक आहे. त्यामुळे स्टॉर्म वॉटर लाईन, ड्रेनेज लाईन, पाण्याची लाईन इत्यादीचा योग्य प्रमाणात निचरा होईल, याची प्रामुख्याने काळजी घेण्याच्या सुचना मा. विरोधी पक्षनेते नाना काटे यांनी संबंधित महापालिकेचे अधिकारी व ठेकेदार यांना दिल्या.

या कामामध्ये पुलाचं बाजुने जे लोखंडी रेलिंग केले जाणार आहे, त्याचे नमुना म्हणुन काही रेलिंग बसवले आहेत ते देखील सुरक्षेचा दृष्ठीने चागल्या दर्जाचे असावे. तसेच गावठाणातून पुलाकडे येताना डांबरीकरणाचा उतार योग्य प्रमाणात करण्यात यावा. जेणेकरून नागरिकांना वाहने चालवताना त्रास होणार नाही, अशा सुचना देखील संबधित अधिकारी यांना काटे यांनी केल्या आहेत.