न्यूज पीसीएमसी नेटवर्क
चिखली, (दि. ०५ मे २०२६) :- विक्रीकराची तब्बल ५२ कोटी ६५ लाख रुपयांची थकबाकी न भरल्याप्रकरणी चिखली पोलीस ठाण्यात दोन जणांविरोधात गुन्हा दाखल करण्यात आला आहे. हा प्रकार २०१३-१४ ते २०१७-१८ या कालावधीत पाटीलनगर, चिखली येथे घडल्याचे समोर आले आहे.
याप्रकरणी राज्यकर निरीक्षक सोमनाथ रणदिवे (वय ३७) यांनी फिर्याद दिली आहे. त्यानुसार आरोपी चंद्रकांत महादेव मोरे व एक महिला आरोपी (दोघे रा. पाटीलनगर, चिखली) यांच्याविरोधात गुन्हा नोंदविण्यात आला आहे.
संबंधित व्यापाऱ्याने विवरणपत्रे भरली असली तरी २०१४-१५ ते २०१६-१७ या कालावधीसाठी निर्धारणेस हजर राहिले नाहीत. तसेच वारंवार नोटीस देऊनही विक्रीकराची थकबाकी भरलेली नाही.
या प्रकरणी पोलीस उपनिरीक्षक शिळीमकर अधिक तपास करत असून अद्याप आरोपींना अटक करण्यात आलेली नाही.
न्यूज पीसीएमसी Whatsapp Share करीता आपला मो.नं.रजिस्टर करा.