न्यूज पीसीएमसी नेटवर्क
चिंचवड :- व्यवसाय सुरू करण्यासाठी बांधकाम व्यावसायिक मित्राने त्याच्या मित्राला २२ लाख रूपये दिले. पैसे न देता मित्र गायब झाला. हा प्रकार चिंचवड येथे नुकताच उघडकीस आला आहे.
बांधकाम व्यावसायिक विजय सोमनाथ दाते (वय-४०, रा. बळवंत कॉलनी, चिंचवड) यांनी चिंचवड पोलिस ठाण्यात फिर्याद दिली आहे. त्यानुसार पांडूरंग भास्कार पाटील (वय-४०, रा. शिवनगरी, बिजलीनगर, चिंचवड) असे आरोपीचे नाव आहे. विशेष म्हणजे हा पसार झालेला आरोपी एका राजकीय पक्षाचा माजी कार्यकर्ता होता.
पोलिसांनी दिलेल्या माहितीनुसार फिर्यादी दाते व आरोपी पाटील मित्र होते. आरोपी पाटीलने दाते यांच्याकडे व्यवसाय सुरू करण्यासाठी २०१५ पासून वेळोवेळी २२ लाख रूपये घेतले. फिर्यादी यांना पैसे न देताच आरोपी पाटील पसार झाला. आपली फसवणूक झाल्याचे लक्षात येताच दाते यांनी पोलिस ठाण्यात धाव घेत फिर्याद दिली. चिंचवड पोलीस पुढील तपास करत आहेत.
न्यूज पीसीएमसी Whatsapp Share करीता आपला मो.नं.रजिस्टर करा.