न्युज पीसीएमसी नेटवर्क
चिंचवड :- नॉव्हेल एनआयबीआर कॉलेज ऑफ हॉटेल मॅनेजमेंटच्यावतीने आज (दि. ३०) रोजी चिंचवड येथील एन.आय. बी. आर. कॉलेजमध्ये विद्यार्थ्यांचा कौतुक सोहळा आयोजित करण्यात आला होता. हॉटेल मॅनेजमेंटच्या द्वितीय वर्ष अभ्यासक्रमाच्या खुशी पटेल, संकेत पागे, अंजली रणधीर या तीन विद्यार्थ्यांची दुबई येथील जगप्रसिध्द मॅरियट मार्केक्विस्ट या पंचतारांकित हॉटेलमध्ये प्रशिक्षणासाठी निवड करण्यात आली आहे.
यावेळी संस्थेचे संस्थापक अध्यक्ष अमित गोरखे, प्राचार्य वैभव फंड, शिक्षक व शिक्षिकावर्ग, कर्मचारी व विद्यार्थी आदी उपस्थित होते. विद्यार्थ्यांची नेमणुक ही कोणत्याही प्लेसमेंट एजन्सीमार्फत झाली नसून, कॉलेजच्या ट्रेनिंग अॅण्ड प्लेसमेंट विभागाच्या प्रयत्नांतून ही संधी विद्यार्थ्यांसाठी उपलब्ध झालेली आहे.
अमित गोरखे यांनी विद्यार्थ्यांना पुढील यशासाठी शुभेच्छा दिल्या व यशाचे गुणगौरव करताना सांगितले की, विद्यार्थ्यांचे अभ्यासातील परिश्रम, शिक्षकांचे मार्गदर्शन व पालकांचे संस्कार हे जडण-घडणीचे आधारस्तंभ आहेत.
प्रा. वैभव फंड म्हणाले की, विद्यार्थ्यांचे हे यश पालकांची आणि संस्थेची मान उंचावणारे आहे. विद्यार्थ्यांना या संधीचा फायदा होईल. यावेळी यांनी विद्यार्थ्यांना मार्गदर्शन देखील केले.
कार्यक्रमाचे प्रास्ताविक शंतनु देशपांडे यांनी केले.