सोसायट्या, हॉटेल्स, मॉल्स, शैक्षणिक संस्था, रुग्णालये रडारवर…

न्यूज पीसीएमसी नेटवर्क

पिंपरी, (दि. २ मे २०२६) :- शहरातील मोठ्या प्रमाणात कचरा निर्माण करणाऱ्या बल्क वेस्ट जनरेटर्सनी (बीडब्ल्यूजी) केंद्रीय प्रदूषण नियंत्रण मंडळाच्या (सीपीसीबी) केंद्रीकृत ऑनलाईन पोर्टलवर नोंदणी करणे अनिवार्य करण्यात आले आहे. नियमांचे पालन न करणाऱ्या आस्थापनांवर दंडात्मक कारवाई करण्यात येणार असल्याची माहिती महापालिका आयुक्त डॉ. विजय सूर्यवंशी यांनी दिली.

घनकचरा व्यवस्थापन नियम २०२६ अंतर्गत निवासी संकुले, हॉटेल्स, मॉल्स, शैक्षणिक संस्था, रुग्णालये आणि व्यावसायिक आस्थापनांना स्वतःच्या परिसरात कचऱ्याचे विलगीकरण व प्रक्रिया करणे बंधनकारक करण्यात आले आहे.

महापालिकेचे उपआयुक्त डॉ. प्रदीप ठेंगल यांनी सांगितले की, संबंधित आस्थापनांना मार्गदर्शन करण्यात येत असून निर्धारित मुदतीत नोंदणी न करणाऱ्यांवर कारवाई केली जाईल.

महापालिकेने संबंधित संस्थांना सीपीसीबीच्या [अधिकृत संकेतस्थळावर](https://uatswm.cpcb.gov.in/?utm_source=chatgpt.com) तातडीने नोंदणी पूर्ण करण्याचे आवाहन केले आहे.