न्यूज पीसीएमसी नेटवर्क
पिंपरी-चिंचवड (दि. ३ जून २०२६) :- महाराष्ट्र औद्योगिक विकास महामंडळाच्या (एमआयडीसी) विद्युत व यांत्रिकी उपविभागामार्फत जलशुद्धीकरण केंद्रातील दुरुस्तीची कामे गुरुवारी (दि. ४) हाती घेण्यात येणार असल्याने दिवसभर पाणीपुरवठा बंद राहणार आहे.
या कामांचा परिणाम पिंपरी-चिंचवड, भोसरी, देहूरोड, कासारवाडी, निगडी, सीएमई, आर. अँड डी. दिघी, व्हीएसएनएल, कॅन्टोन्मेंट बोर्ड तसेच ओएफडीआर परिसरावर होणार आहे.
तसेच शुक्रवारी (दि. ५) व शनिवारी (दि. ६) संबंधित भागांमध्ये कमी दाबाने आणि अपुरा पाणीपुरवठा होण्याची शक्यता असल्याचे एमआयडीसी प्रशासनाने सांगितले.
नागरिकांनी आवश्यकतेनुसार पाण्याचा साठा करून काटकसरीने वापर करावा, असे आवाहन करण्यात आले आहे.
न्यूज पीसीएमसी Whatsapp Share करीता आपला मो.नं.रजिस्टर करा.