शिवसेनेच्या रोजगार मेळाव्यात ७,५०० हून अधिक युवक-युवती…

Posted By: news pcmcon: August 30, 2026In: ठळक घडामोडी, पिं चिं शहर व उपनगर वार्ता

सचिन अहिर यांच्या हस्ते उद्घाटन; १२५ कंपन्यांकडून मुलाखती…

न्यूज पीसीएमसी नेटवर्क

पिंपरी-चिंचवड (दि. ३० ऑगस्ट २०२६) :- पिंपरी-चिंचवड शिवसेनेच्या वतीने खासदार श्रीरंग बारणे यांच्या मार्गदर्शनाखाली चिंचवड येथे आयोजित भव्य रोजगार मेळाव्याला ७,५०० हून अधिक युवक-युवतींनी उपस्थिती लावली. विधान परिषद उपसभापती सचिन अहिर यांच्या हस्ते मेळाव्याचे उद्घाटन व निवड झालेल्या उमेदवारांना नियुक्तीपत्रांचे वितरण करण्यात आले. दिव्यांग उमेदवाराला महापौर रवी लांडगे यांच्या हस्ते नियुक्तीपत्र देण्यात आले.

यावेळी खा. श्रीरंग बारणे, सुलभा उबाळे, विश्वजीत बारणे, प्रमोद ऊर्फ नाना भानगिरे, निलेश तरस, ऐश्वर्या तरस, रेश्मा कातळे, निलेश बारणे, नारायण बहिरवाडे, राजेश फल्ले, सागर पाचरणे, बाळासाहेब वाल्हेकर, राजेश खांडभोर, खंडूशेठ चिंचवडे, शैला भोंडवे, सरिता साने व सायली साळवे उपस्थित होते.

१२५ कंपन्यांनी मुलाखती घेतल्या. ५,५०० जणांनी ऑनलाइन तर २,५७० जणांनी प्रत्यक्ष नोंदणी केली. सर्व सहभागी उमेदवारांना रोजगार मिळेपर्यंत पाठपुरावा करण्याची ग्वाही खासदार बारणे यांनी दिली. उबाळे यांनी नोकरी न मिळालेल्यांना ‘खासदार शिवसेना जॉब कार्ड’द्वारे सहा महिने मार्गदर्शन केले जाणार असल्याचे सांगितले.

Spread the love

news pcmc

'' न्यूज पीसीएमसी '' हे पोर्टल आपल्या पिंपरी-चिंचवड शहरातील घडामोडींची बित्तं-बातमी देणारं संकेतस्थळ आहे. बातमीचा मागोवा घेऊन, आहे तशी बातमी वाचकांपर्यंत पोहोचविणे, हेच ''न्यूज पीसीएमसी''चे अंतीम ब्रीद आहे. कृपया आपणांस काही सुचवायचे असलयास आपण newspcmc@gmail.com या ईमेलवरती आपल्या सूचना पाठवाव्यात. आपल्या सुचनांचा नक्कीच आम्ही स्विकार करू. धन्यवाद. संपादक....