न्यूज पीसीएमसी नेटवर्क
मावळ (दि. ०८ सप्टेंबर २०२६) :- मावळ तालुक्यातील सुदवडी गावच्या हद्दीतील श्री संत तुकाराम महाराज मंदिर परिसरात अंदाजे १ ते २ वर्षांच्या बालिकेला तिची देखभाल करण्याची जबाबदारी असताना तिला वाऱ्यावर सोडून दिल्याचा प्रकार समोर आला आहे. याप्रकरणी अज्ञात पालकांविरोधात तळेगाव एमआयडीसी पोलिस ठाण्यात गुन्हा दाखल करण्यात आला आहे.
याबाबत सिद्धू व्यंकटी पवार (वय २६, व्यवसाय नोकरी, तळेगाव एमआयडीसी पोलिस ठाणे, पिंपरी-चिंचवड आयुक्तालय) यांनी फिर्याद दिली आहे.
पोलिसांच्या नोंदीनुसार, ६ सप्टेंबर २०२६ रोजी दुपारी सुमारे ३ वाजता सुदवडी गावाच्या हद्दीतील श्री संत तुकाराम महाराज मंदिर भंडारा डोंगर परिसरात ही घटना घडली.
अज्ञात पालकांनी आपल्या अंदाजे १ ते २ वर्षांच्या बालिकेची देखभाल करण्याची जबाबदारी असतानाही तिचे पालन-पोषण न करता तिला वाऱ्यावर सोडून दिल्याचे तपासात समोर आले आहे. त्यामुळे संबंधित अज्ञात पालकांविरोधात कायदेशीर तक्रार करण्यात आली.
या प्रकरणी ७ सप्टेंबर २०२६ रोजी सायंकाळी ४.५८ वाजता तळेगाव एमआयडीसी पोलिस ठाण्यात गुन्हा दाखल करण्यात आला. बाल न्याय (बालकांची काळजी व संरक्षण) अधिनियम २०१५ मधील कलम ७५ तसेच भारतीय न्याय संहितेतील संबंधित कलमान्वये कारवाई करण्यात आली आहे.
बालिकेला मंदिर परिसरात नेमके कोणी आणि कोणत्या परिस्थितीत सोडले, याचा तपास पोलिसांकडून सुरू आहे. तसेच बालिकेच्या पालकांचा शोध घेण्यासाठी पोलिसांकडून तपास केला जात आहे.
न्यूज पीसीएमसी Whatsapp Share करीता आपला मो.नं.रजिस्टर करा.
