निगडीत जुन्या भांडणातून शेजाऱ्यांमध्ये राडा..

• लोखंडी रॉडने डोक्यावर वार…

न्यूज पीसीएमसी नेटवर्क

निगडी (दि. २४ ऑक्टोबर २०२६) :- निगडीतील अजंठानगर परिसरात जुन्या भांडणाच्या कारणावरून शेजाऱ्यांमध्ये वाद होऊन मारहाणीची घटना घडली. यावेळी एका आरोपीने लोखंडी रॉडने महिलेच्या डोक्यावर व कपाळावर वार करून तिला जखमी केले. तसेच महिलेच्या पतीच्या उजव्या हाताच्या अंगठ्याला जोरात चावा घेऊन त्यालाही जखमी केल्याची घटना समोर आली आहे.

ही घटना २२ ऑक्टोबर २०२६ रोजी सायंकाळी सुमारे ७ वाजून १० मिनिटांनी अजंठानगर, चिंचवड येथील तिरंगा हौसिंग सोसायटीमध्ये घडली. याप्रकरणी निगडी पोलीस ठाण्यात २३ ऑक्टोबर रोजी दुपारी २ वाजून १८ मिनिटांनी गुन्हा दाखल करण्यात आला आहे.

पोलिसांनी दिलेल्या माहितीनुसार, जुन्या भांडणाच्या कारणावरून फिर्यादीच्या घरासमोर शेजारी राहणाऱ्या आरोपी क्रमांक एकने फिर्यादीच्या मुलीला पाहून शिवीगाळ केली. त्यानंतर फिर्यादीसोबत वाद घालत त्यांना ओढून खाली पाडून मारहाण केली. याचवेळी आरोपी क्रमांक दोनने मागून येऊन फिर्यादीच्या डोक्यात व कपाळावर लोखंडी रॉडने वार केले. तसेच फिर्यादीच्या पतीच्या उजव्या हाताच्या अंगठ्याला जोरात चावा घेऊन त्याला जखमी केले.

या प्रकरणी निगडी पोलीस ठाण्यात २३ ऑक्टोबर रोजी दुपारी २ वाजून १८ मिनिटांनी गुन्हा दाखल करण्यात आला आहे. या प्रकरणातील आरोपी क्रमांक दोनला अटक करण्यात आली असून, पुढील तपास पोलीस हवालदार कोळी करत आहेत.