देहूरोडच्या मल्लाने मारले कुस्तीचे मैदान.

न्यूज पीसीएमसी नेटवर्क

देहूरोड प्रतिनिधी  (दि. १७ नोव्हें) :- महाराष्ट्र राज्य क्रीडा व युवक संचालनालय आणि जिल्हा क्रीडा परिषद कोल्हापूर आणि भैरवनाथ कला क्रीडा सांस्कृतिक मंडळ पाचगाव श्री नृसिंह कुस्ती आखाडा यांच्या सहकार्याने १९ वर्षीय राज्य शालेय कुस्ती स्पर्धेत देहुरोड येथील पुणे जिल्हा शिक्षण मंडळाच्या श्री शिवाजी विद्यालयातील निखिल मच्छिंद्र वाघ याने ५५ किलो गटात ग्रीक रोमन प्रकारात द्वितीय क्रमांक मिळवला. कोल्हापूर येथील राजश्री छत्रपती शाहू खासबाग मैदानावर स्पर्धा झाली.

अमरावती येथे १७ वर्षे मुले शालेय राज्य कुस्ती स्पर्धेत अभिषेक पंढरीनाथ जाधव ५१ किलो गटात ग्रीको रोमन प्रकारात सहभागी झाला होता. निखील वाघ व अभिषेक जाधव हे पुणे विभागाच्या सोलापूरातील विभागीय स्पर्धेत प्रथम क्रमांक मिळवून राज्य स्पर्धेत सहभागी झाले होते.

प्राचार्य अशोक काटे, उप प्राचार्य बाळासाहेब शेंडे, पर्यवेक्षक यु. जी. सोनवणे, पुणे जिल्हा कबड्डी असोसिएशनचे सदस्य व क्रीडा शिक्षक राजेंद्र काळोखे, अनुराधा घोडके, मनिषा कठाळे, लिनायक लोणकर सर्व सहकारी शिक्षक व शिक्षकेतर कर्मचारी आणि विद्यार्थी यांनी तीनही कुस्तीगीरांनी घवघवीत यश मिळाल्याबद्दल अभिनंदन केले.