यशवंतराव चव्हाण रूग्णालयातील पाण्याची नासाडी थांबवावी – युवराज दाखले

न्यूज पीसीएमसी नेटवर्क

पिंपरी (दि. १७. डिसें.) :-  पिंपरी चिंचवड महानगरपालिकेच्या पाणी पुरवठा विभागाच्या हलगर्जीपणामुळे यशवंतराव चव्हाण रुग्णालयात लाखो लिटर पाणी वाया जात आहे. महापालिका आयुक्त श्रवण हर्डीकर यांनी गांभीर्याने या प्रकरणाची दखल घेऊन, संबंधीत पाणीपुरवठा विभागाच्या अधिकाऱ्यांना जबाबदार धरून, कारणे दाखवा नोटीस बजावण्याची मागणी शिवसेनेचे युवराज दाखले यांनी आयुक्तांकडे केली आहे.

पिंपरी चिंचवड शहरात पाणी टंचाईमुळे सर्वसामान्य जनता त्रस्त झाली असुन, पालिकेच्या या रुग्णालयात ठीक-ठिकाणी पाणी वाया जात असल्यामुळे, सामान्य जनतेमध्ये संतापाची लाट तयार होत आहे.

रुग्णालय व परिसरात होणारी पाण्याची नासाडी न थांबल्यास, शिवसेना व शिवशाही व्यापारीसंघ यांच्या वतीने शिवसेना स्टाईलने पाणीपुरवठा प्रशासनाला जाब विचारला जाईल व या कामी उद्भवणाऱ्या सर्व गोष्टींची जबाबदारी महापालिका आयुक्त व प्रशासनाची राहील असे निवेदनात म्हटले आहे.