बेकायदेशीरपणे शहरात राहणाऱ्या इराणी तरुणाची पोलिसांना मारहाण…

न्यूज पीसीएमसी नेटवर्क

पिंपरी (दि. २९ जानेवारी २०२२) :- अपघात झाल्याने वाहतूक पोलीस घटनास्थळी गेले. त्यावेळी आरोपी हा त्याच्या ताब्यातील दुचाकी विरुद्ध दिशेने भरधाव वेगात चालवू लागला. त्याने पुढे एका दुचाकीला धडक दिली आणि तो खाली पडला. पोलिसांनी त्याला ताब्यात घेऊन विचारपूस केली. त्यावेळी फिर्यादी यांच्यासोबत असलेले सहायक फौजदार, पोलीस कर्मचारी यांना धक्काबुक्की केली. तसेच फिर्यादी सहायक फौजदार यांनाही मारहाण करून रस्त्यावर पाडले.

ही घटना शनिवारी (दि. २८) सकाळी औंध-सांगवी रस्त्यावर, सांगवी वाहतूक विभागाच्या कार्यालयासमोर जाणाऱ्या रस्त्यावर घडली. याबाबत सांगवी पोलीस ठाण्यात फिर्याद दिली असून पोलिसांनी गुन्हा दाखल केला आहे.

शहा वली बोर अली अकबर रहमान (वय २६, रा. संत तुकाराम नगर, पिंपरी, मूळ रा. इराण) असे अटक केलेल्या आरोपीचे नाव आहे. तो शिक्षणासाठी भारतात आला असून त्याचा पासपोर्ट आणि व्हिसा पाहिला असता तो १७ ऑक्टोबर २०२२ रोजी संपला आहे. त्यानंतर तो भारतात बेकायदेशीरपणे वास्तव्य करीत असून पिंपरी येथील एका महाविद्यालयात बी फार्मसीचे शिक्षण घेत असल्याचे पोलीस तपासात समोर आले आहे.