मोशीतील महात्मा फुलेनगर येथे मटका अड्ड्यावर पोलिसांचा छापा..

• चौघांच्या विरोधात गुन्हा दाखल…

न्यूज पीसीएमसी नेटवर्क

पिंपरी (दि. ३० जुलै २०२१) :- मटका अड्ड्यावर छापा मारून पोलिसांनी चौघांच्या विरोधात गुन्हा दाखल केला आहे. मोशीतील महात्मा फुलेनगर येथे बुधवारी (दि. २८) दुपारी ही कारवाई करण्यात आली.

कैलास निवृत्ती बोराटे (४३, रा. महात्मा फुलेनगर, मोशी) प्रशांत तुकाराम नाईकडे (३८ रा. अरुणनगर, मोशी), बाळू किसन गायकवाड (५०, रा. लक्ष्मीनगर, मोशी) आणि गंगाधर पूमाजी कर्णे (६०, रा. मोशी) अशी गुन्हा दाखल झालेल्या आरोपींची नावे आहेत. पोलीस कर्मचारी नितीन आप्पा खेसे यांनी बुधवारी (दि २८) एमआयडीसी भोसरी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, महात्मा फुले नगर येथे मटका अडा सुरू असल्याची माहिती पोलिसांना मिळाली होती. त्यानुसार पोलिसांनी बुधवारी दुपारी साडेचारच्या सुमारास छापा मारून चौघांवर गुन्हा दाखल केला आहे. आरोपींकडून १८ हजार ८८५ रुपयांचे साहित्य जप्त केले. या घटनेचा पुढील तपास एमआयडीसी भोसरी पोलीस तपास करीत आहेत.