अतिरिक्त आयुक्त जितेंद्र वाघ दोन महिन्यांनी पालिकेत रुजू..

• कोणता विभाग मिळणार; आयुक्तांच्या भूमिकेकडे लक्ष…

न्यूज पीसीएमसी नेटवर्क

पिंपरी (दि. १३ नोव्हेंबर २०२१) :- दोन महिन्यांपूर्वी प्रतिनियुक्तीने पिंपरी – चिंचवड महापालिकेत अतिरिक्त आयुक्त म्हणून जितेंद्र वाघ यांची निवड झाली होती. मात्र, त्यांनी शुक्रवारी पदभार स्वीकारला.

महापालिकेत तीन अतिरिक्त आयुक्त पदे आहेत. राज्य सेवेतील दोन आणि स्थानिक अधिकाऱ्यांमधून एक अशी विभागणी आहे. संतोष पाटील यांच्या जागेवर विकास ढाकणे यांची नियुक्ती झाली. त्यानंतर प्रवीण तुपे यांनी राजीनामा दिल्याने स्थानिक अधिकाऱ्यांमधील उल्हास जगताप यांची नियुक्ती करण्यात आली.

अतिरिक्त आयुक्तपदी वाघ यांची प्रतिनियुक्तीने नेमणूक केल्याची ऑर्डर १७ सप्टेंबरला निघाली होती. त्यानंतर तब्बल दोन महिन्यांनी महापालिकेत ते रुजू झाले. त्यामुळे अतिरिक्त आयुक्त विकास ढाकणे यांच्याकडील विभाग कमी होतील. आयुक्त राजेश पाटील कोणते विभाग कोणाकडे देतात हे पाहणे महत्त्वाचे ठरणार आहे.