न्युज पीसीएमसी नेटवर्क
पिंपरी (दि. ०१ ऑक्टोबर २०२२) :- पिंपरी चिंचवड शहरात प्रतिदिन १०० किलो कचरा निर्माण करणा-या गृहसंस्था, इतर आस्थापनांना निर्माण होणा-या ओला (जैव विघटनशील) कच-याची विल्हेवाट २ ऑक्टोबर २०२२ पर्यंत त्यांच्याच आवारात कंपोस्टिंग, बायोमिथनायझेशन अथवा अन्य तंत्रज्ञानाद्वारे लावणे बंधनकारक आहे. याचे उल्लंघन केल्यास सुरुवातीला ५००० व त्यानंतर १५००० दंडाची रक्कम आहे.
याबाबत विविध संघटना, हाऊसींग फेडरेशन, गृहनिर्माण संस्था यांच्या प्रतिनिधींनी निवेदनाद्वारे व समक्ष भेटून ओल्या कच-यावर प्रक्रिया करण्यासाठी पुरेसा अवधी नसल्याने त्याच्या अंमलबजावणीकरिता मुदत मागितली आहे. त्यानुसार महापालिका आयुक्तांनी ३१ ऑक्टोबर २०२२ अखेरपर्यंत गृहसंस्था अथवा इतर आस्थापनांना अंतिम मुदत दिली आहे.
न्यूज पीसीएमसी Whatsapp Share करीता आपला मो.नं.रजिस्टर करा.