देहुजवळील येलवाडी ग्रामपंचायत हद्दीत विविध विकासकामांचे भूमिपूजन…!

न्यूज पीसीएमसी नेटवर्क

देहू वार्ताहर (दि. २१ जून २०२४) :- देहुजवळील येलवाडी ग्रामपंचायत हद्दीत विविध विकासकामांचे भूमिपूजन गावचे सरपंच रणजीत गाडे यांच्या हस्ते करण्यात आले.

येलवाडी गावच्या कमानीपासून ते भंडारा डोंगर कडे जाणारा रस्ता (दहा लाख), मोरे नर्सरी ते देशमुख वस्ती रस्ता (वीस लाख) असे तीस लाख रुपये खर्च असलेल्या रस्त्यांचा समावेश आहे.

येलवाडी जिल्हा परिषद शाळेमध्ये सुशोभीकरण करणे व शौचालय, तसेच चावडी बांधणे (नऊ लाख), खंडोबा मंदिर ते वैद्य वस्ती (सात लाख), काळुबाई मंदिर रोड (पाच लाख), तसेच सांगुर्डी फाटा ते अष्टविनायक कॉलनी (दहा लक्ष) रुपये प्रास्ताविक असलेल्या रस्त्यांच्या कामांचे भूमिपूजन करण्यात आले.

यावेळी सरपंच रणजित गाडे, उपसरपंच सुधिर गाडे, सदस्य प्रशांत गाडे, विक्रम बोत्रे, गोवर्धन बोत्रे, बेबी पाटोळे, मनिषा चौधरी, उर्मिला गायकवाड, प्रज्ञा बोत्रे, दत्तात्रय बोत्रे, तसेच प्रशांत पाटील, नरेश कुकरे, विनोद चव्हाण, गणेश आढाव, गणेश खुळे आदी उपस्थित होते.