१५ वर्षीय मुलीवर लग्नाच्या आमिषाने बलात्कार..

• पिंपरीतील घटना; आरोपी अटकेत…

न्यूज पीसीएमसी नेटवर्क

पिंपरी (दि. ३१ ऑक्टोबर २०२१) :- १५ वर्षीय मुलीला लग्नाचे अमिश दाखवून तिच्याशी जवळीक साधली. आरोपीने त्याच्या दुचाकीवरून नेऊन पीडित मुलीला त्याच्या घरी आणि एच ए कॉलनीच्या पाठीमागील गेटजवळ खोलीत नेऊन तिच्यावर वेळोवेळी जबरदस्तीने बलात्कार केला.

पीडित मुलगी यामुळे गरोदर राहिली. हा प्रकार कुटुंबियांच्या निदर्शनास येताच गुन्हा दाखल करण्यात आला आहे. ही घटना जून ते २९ ऑक्टोबर २०२१ या कालावधीत एमआयडीसी भोसरी परिसरात घडली.

पीडित मुलीच्या आईने एमआयडीसी भोसरी पोलीस ठाण्यात फिर्याद दिली आहे. कैलास शहाजी पाटोळे (वय १९, रा. एमआयडीसी भोसरी) याला पोलिसांनी अटक केली आहे. एमआयडीसी भोसरी पोलीस तपास करीत आहेत.