- अमृत मोहत्सवानिमित नॉव्हेल इंटरनॅशनल स्कूलमध्ये ‘ हर घर तिरंगा ’ प्रभात फेरी उत्साहात…
न्यूज पीसीएमसी नेटवर्क
पिंपरी (दि. १३ ऑगस्ट २०२२) : – स्वातंत्र्याच्या अमृत महोत्सवानिमित्त ‘हर घर तिरंगा’ हा उपक्रम मोठ्या उत्साहात पार पडत आहे. शाळा, विद्यार्थ्यांमध्ये यात सर्व विद्यार्थ्यांचा सहभाग बघून त्यांना खूप आनंद होतो. या निमित्ताने तिरंगा प्रत्येक घरावर लावलाच पाहिजे. परंतु सोबत तो आपल्या प्रत्येकाच्या मना मनामध्ये देखील तो स्थापित झाला पाहिजे, असे प्रतिपादन पिंपरी चिंचवडचे अप्पर पोलिस आयुक्त डॉ. संजय शिंदे यांनी व्यक्त केले.
चिंचवड येथील नोव्हेल इंटरनॅशनल स्कूलच्या वतीने दि.१३ ऑगस्ट रोजी सकाळी अप्पर पोलीस आयुक्त डॉ. संजय शिंदे यांच्या प्रमुख उपस्थितीत ‘हर घर तिरंगा रॅली’ काढण्यात आली. या प्रसंगी नॉव्हेल ग्रुप ऑफ इन्स्टिट्यूट संस्थेचे संस्थापक अध्यक्ष श्री. अमित गोरखे, माजी नगरसेविका अनुराधा गोरखे, संस्थेचे कार्यकारी संचालक श्री. विलास जेऊरकर, शाळा व्यवस्थापक डॉ. प्रिया गोरखे, शाळेच्या मुख्याध्यापिका डॉ. मानसी हसबनीस, तांत्रिक विभाग प्रमुख समीर जेऊरकर, तसेच रॅलीमध्ये नोव्हेल इंटरनॅशनल स्कूलचे विद्यार्थी, शिक्षक आदी सहभागी होते. या मार्गातील पालक, तसेच नागरिकांनी तिरंगा रॅलीचे स्वागत केले.
विद्यार्थ्यांना मार्गदर्शन करताना डॉ. संजय शिंदे पुढे म्हणाले की, आपण आपल्या देशाचे सुजाण नागरिक आहोत. आपल्या खांद्यांवर आपल्या देशाच्या जबाबदाऱ्या आहेत. सरकारने आपल्यासाठी जे काही वाहतुकीचे नियम लावलेले असतात. त्या सर्व नियमांचे आपण पालन केले पाहिजे. कारण, हे वाहतुकीचे सर्व नियम हे आपल्या संरक्षणासाठी असतात. तुम्ही तुमच्या पालकांना वाहतुकीच्या सर्व नियमांचे योग्य पद्धतीने पालन करण्याचे आवाहन करा. सुजाण व जबाबदार नागरिक म्हणून अशा भुमिका घेतल्यास आपण राष्ट्राचा आणि राष्ट्रध्वजाचा सन्मान वाढवत असतो.
अमित गोरखे यांनी मार्गदर्शन करताना सर्व विद्यार्थ्यांचा, शिक्षकांचा आणि उपस्थितांचा उत्साह हर घर तिरंगा मोहिमेचा जल्लोष वाढविणारा व द्विगुणीत करणारा आहे. दरवेळी वेगवेगळे उपक्रम राबवून नोव्हेल विद्यालय विद्यार्थ्यांसमोर एक वेगळा आदर्श ठेवण्याचा प्रयत्न करत असते, अशा शब्दांत कौतुक केले.
कार्यक्रमाचे सुत्र संचालन शाळेतील शिक्षिका संजना गायकवाड यांनी केले.