न्यूज पीसीएमसी नेटवर्क
पिंपरी (दि. १७ ऑगस्ट २०२२) :- यशवंतराव चव्हाण स्मृती वायसीएम रुग्णालयात कपडे धुलाईसाठी असलेली तरतूद कमी पडत आहे. परिणामी सात महिन्यांच्या कपडे धुलाईसाठी ठेकेदारावर ५२ लाखांचा वाढीव खर्च करण्यात येणार आहे.
वायसीएम रुग्णालयातील डॉक्टर परिचारिका, वॉर्डबॉय यांच्यासह रुग्णांसाठी वापरण्यात येणाऱ्या कपड्यांची धुलाई ठेकेदारामार्फत करण्यात येते. यासाठी मध्यवर्ती साहित्य भांडार विभागामार्फत निविदा प्रसिद्ध करण्यात आली होती. त्यानुसार १ जानेवारी २०२० पासून करारनामा करण्यात आला. तीन वर्षे कालावधीकरिता वायसीएम रुग्णालयातील कपडे धुलाई करण्यासाठी त्यांना २ कोटी १० लाख रुपये खर्चास मान्यता देण्यात आली. या कामाची मुदत डिसेंबर २०२२ मध्ये संपुष्टात येणार आहे. त्यामुळे होणाऱ्या वाढीव खर्चास मंजुरी घेणे आवश्यक आहे.
मासिक सरासरी धुलाई बिल ७ लाख ५० हजार रूपये ग्राह्य धरून जून २०२२ ते डिसेंबर २०२२ या कालावधीसाठी ५२ लाख ५० हजार रुपये वाढीव खर्च अपेक्षित आहे. रुग्णालयाच्या लॉण्ड्री विभागातील धुलाई मशीन बंद पडल्या आहे. त्यामुळे रुग्णालयाच्या अधिष्ठात्यांनी तातडीने मशीन दुरुस्त करण्याबाबत निर्देश ठेकेदारांना दिले. त्यानुसार त्यांनी धुलाई मशीन दुरुस्त केली. या दुरुस्तीचे ७ लाख ६८ हजार रुपयांचे दरपत्रक त्यांनी सादर केले.
न्यूज पीसीएमसी Whatsapp Share करीता आपला मो.नं.रजिस्टर करा.