बीड जिल्ह्याचं भूषण; नगर-आष्टी रेल्वे प्रकल्प कार्यान्वित…

• मुख्यमंत्र्यांकडून ऑनलाईन हिरवा झेंडा दाखवत रेल्वे लाईनचे उद्घाटन…

न्यूज पीसीएमसी नेटवर्क

पिंपरी (दि. २३ सप्टेंबर २०२२) :- आष्टी-अहमदनगर रेल्वे लाईनचे उद्घाटन मुख्यमंत्री एकनाथ शिंदे यांनी ऑनलाईन हिरवा झेंडा दाखवत उद्घाटन केले. यावेळी न्यू आष्टी रेल्वे स्थानकावर उपमुख्यमंत्री देवेंद्र फडणवीस, केंद्रीय रेल्वे राज्य मंत्री रावसाहेब दानवे, खासदार डॉ. प्रीतम मुंडे, सुजय विखे पाटील, महसूल मंत्री राधाकृष्ण विखे पाटील, माजी मंत्री पंकजा मुंडे, मध्य रेल्वेचे महाव्यवस्थापक अनिलकुमार लाहोटी यांची उपस्थिती होती.

यावेळी त्यांनी आष्टी येथून सुटणाऱ्या पहिल्या डेमू पॅसेंजर ट्रेनला हिरवा झेंडा दाखवला. शुक्रवारी (२३ सप्टेंबर) पहिल्या न्यू आष्टी ते अहमदनगर टप्प्यातील ६६ किलोमीटरची ब्रॉडगेज लाईन प्रवाशांसाठी खुली करण्यात आली. या मार्गामुळे मराठवाड्यातील जनतेचा प्रवास सुकर होण्यास मदत होणार आहे.

६६ किलोमीटर लांबीची नवीन आष्टी-अहमदनगर ब्रॉडगेज लाईन ही २६१ किलोमीटर अहमदनगर-बीड-परळी वैजनाथ नवीन ब्रॉडगेज लाईन प्रकल्पाचा एक भाग आहे. यात केंद्र शासन आणि राज्य सरकार यांचा ५०-५० टक्के खर्चाचा वाटा आहे. त्याचे शुक्रवारी उदघाटन करण्यात आले. यामुळे स्थानिक व्यापार आणि उद्योगाला चालना मिळणार असून, त्यामुळे मराठवाडा क्षेत्राच्या सामाजिक-आर्थिक विकासाला चालना मिळणार आहे