न्यूज पीसीएमसी नेटवर्क
पिंपरी (दि. ३० सप्टेंबर २०२३) :- पाणीपुरवठा विभागाच्या से.क्र. २३ निगडी येथील जलशुध्दीकरण केंद्रातील पाणीपुरवठा विषयक नियमित देखभाल दुरुस्तीची आवश्यक आहे.
त्यामुळे पिंपरी चिंचवड शहराचा गुरुवारी (दि. ५ ऑक्टोबर २०२३) रोजी सकाळचा पाणीपुरवठा नियमीत वेळेनुसार होणार आहे. तर, संध्याकाळचा पाणीपुरवठा बंद राहणार आहे.
दुरुस्तीच्या कामासाठी सर्व पाणीपुरवठ्याची यंत्रणा बंद ठेवल्यामुळे शहरातील सर्व भागात दुस-या दिवशी म्हणजेच शुक्रवार (दि. ०६/१०/२०२३) रोजी होणारा सकाळचा पाणीपुरवठा अनियमीत व कमी दाबाने होईल, अशी माहिती महापालिकेच्या पाणी पुरवठा विभागाने दिली आहे. नागरिकांनी मनपाकडील उपलब्ध पाण्याचा पुरेसा साठा करुन काटकसरीने पाणी वापर करून मनपास सहकार्य करावे, असे निवेदनात म्हटले आहे.
न्यूज पीसीएमसी Whatsapp Share करीता आपला मो.नं.रजिस्टर करा.