कुदळवाडी, चिखली येथे भव्य हिंदू मिलन समारंभ संपन्न…

न्यूज पीसीएमसी नेटवर्क 

कुदळवाडी, (दि. २६ ऑगस्ट २०२५) :- कुदळवाडी येथील चंद्रभागा लॉन्समध्ये हिंदू मिलन समारंभाचे भव्य आयोजन करण्यात आले. समाजातील एकता, बांधिलकी आणि परस्पर सलोखा वृद्धिंगत करण्याच्या उद्देशाने हा उपक्रम राबविण्यात आला.

या सोहळ्याचे मुख्य अतिथी म्हणून हिंदू युवा वाहिनीचे प्रदेश प्रभारी व उत्तर प्रदेश विधानसभेचे माजी आमदार राघवेंद्र प्रताप सिंह यांनी विशेष उपस्थिती लावली. आपल्या मार्गदर्शनपर भाषणात त्यांनी समाजातील ऐक्य, परस्पर सहकार्य आणि नव्या पिढीला योग्य दिशा देण्याचे महत्व अधोरेखित केले. तसेच समाजातील विविध प्रश्नांवर प्रकाश टाकत एकत्रितपणे सामाजिक कार्य करण्याचे आवाहन केले.

या कार्यक्रमाला उत्तर भारतीय समाजातील नागरिकांनी मोठ्या संख्येने उपस्थित राहून उत्स्फूर्त प्रतिसाद दिला. उपस्थितांच्या चेहऱ्यावर समाधान व उत्साहाचे वातावरण दिसून आले. समाजहितासाठी सामूहिक कार्य करण्याची भावना या सोहळ्यात प्रकर्षाने जाणवली.

कार्यक्रमाच्या यशस्वी आयोजनासाठी आयोजक मंडळ, ग्रामस्थ व विविध मान्यवरांचे विशेष प्रयत्न लाभले. समाजातील बांधवांकडून मिळालेल्या उत्स्फूर्त प्रतिसादामुळे समारंभाला एक वेगळेच स्वरूप प्राप्त झाले.

या सोहळ्यात उपस्थित मान्यवर, कार्यकर्ते आणि ग्रामस्थ यांनी आयोजकांचे मनःपूर्वक आभार मानले.