- रक्तदान शिबिरास रक्तदात्यांचा उस्फुर्त प्रतिसाद….
न्यूज पीसीएमसी नेटवर्क
पिंपरी (दि. २७ ऑक्टोबर २०२०) :- पिंपळे सौदागर येथील प्रसिद्ध बांधकाम व्यावसायिक वसंत काटे यांच्या वाढदिवसानिमित्त यशदा रियाल्टी ग्रुप व उन्नती सोशल फाऊंडेशनच्या वतीने सामजिक सुरक्षिततेचे पालन करून नुकतेच रक्तदान शिबिराचे आयोजन करण्यात आले होते. यात सुमारे ३९ रक्तदात्यांनी रक्तदान केले. उद्योजक वसंत काटे यांनीही रक्तदान शिबिरात सहभाग घेत साधेपणाने वाढदिवस साजरा केला.
यावेळी नगरसेवक शत्रुघ्न काटे, माजी उपमहापौर प्रभाकर वाघेरे, भाजपा चिंचवड विधानसभा महिला मोर्चा अध्यक्षा कुंदा भिसे, पवना बँकेचे उपाध्यक्ष जयनाथ काटे, उन्नती सोशल फाऊंडेशनचे संस्थापक व यशदा रियाल्टीचे संचालक संजय भिसे, उद्योजक राजू भिसे, विजय काटे यांच्यासह परिसरातील राजकीय, सामाजिक, शैक्षणिक व अध्यात्मिक क्षेत्रातील मान्यवर व ग्रामस्थ उपस्थित होते.
उद्योजक वसंत काटे म्हणाले की, ‘जगावर कोरोना महामारीचे सावट आहे. कोरोनाच्या भीतीने बहुतांश रक्तदाते रक्तदानापासून वंचित राहताना दिसून येतात. त्यामुळे रक्तपेढीत आवश्यक रक्तसंकलन होत नाही. रुग्णांना उपचारादरम्यान वेळेवर रक्तपुरवठा मिळत नाही, प्रसंगी रुग्ण दगावण्याच्या घटनादेखील घडू शकतात. याचे गांभीर्य ओळखून वाढदिनी रक्तदानाचा विधायक संकल्प केला. यास रक्तदात्यांकडून देखील उस्फुर्त प्रतिसाद मिळाला. त्यांचे मनापासून आभार मानतो.
न्यूज पीसीएमसी Whatsapp Share करीता आपला मो.नं.रजिस्टर करा.
