ठळक घडामोडी Archives - न्यूज पीसीएमसी....

नगरसेविका डॉ. कुंदाताई भिसे यांच्या पाठपुराव्याला यश ; आमदार शंकरभाऊ जगताप यांच्या मार्गदर्शनाखाली पिंपळे सौदागरमधील ‘पब्लिक सायकल शेअरिंग’ सेवा आता दररोज सकाळी ६ ते रात्री ८ पर्यंत सुरू.!

Posted By: news pcmcon: April 24, 2026In: ठळक घडामोडी, पिं चिं शहर व उपनगर वार्ता

न्यूज पीसीएमसी नेटवर्क ता.२४ , पिंपळे सौदागर (प्रतिनिधी) :- पिंपळे सौदागर परिसरातील नागरिकांच्या आरोग्यदायी जीवनशैलीला चालना देण्यासाठी ८ एप्रिल रोजी सुरू करण्यात आलेल्या ‘पब्लिक सायकल शेअरि... Read more

जनगणनेतील प्रत्येक टप्पा अचूक आणि सुलभ पद्धतीने पार पाडा – अतिरिक्त आयुक्त कुलदीप जंगम जनगणनेसाठी नियुक्त करण्यात आलेल्या प्रगणक, पर्यवेक्षक आणि फील्ड ट्रेनर्स यांना केले मार्गदर्शन न्यूज पीसीएमसी नेटवर्क पिंपरी-चिंचवड | दि. २४ एप्रिल २०२६ :- पिंपरी चिंचवड महानगरपालिकेच्या जनगणना मोहिमेअंतर्गत प्रशिक्षण प्रक्रियेला गती मिळाली असून अतिरिक्त आयुक्त कुलदीप जंगम यांनी आकुर्डी येथील ग.दि. माडगूळकर सभागृहात सुरू असलेल्या प्रशिक्षण सत्राला भेट देत मार्गदर्शन केले. त्यांनी प्रशिक्षणाची प्रत्यक्ष पाहणी करून संपूर्ण कार्यपद्धतीचा आढावा घेतला. या भेटीदरम्यान उपायुक्त तथा शहर जनगणना अधिकारी सचिन पवार, सहा.आयुक्त किरणकुमार मोरे, चार्ज अधिकारी तथा क्षेत्रीय अधिकारी निवेदिता घार्गे आदी उपस्थित होते. प्रशिक्षणामध्ये प्रगणक, पर्यवेक्षक आणि फील्ड ट्रेनर्स यांना दिल्या जाणाऱ्या मार्गदर्शनाची सविस्तर माहिती जंगम यांनी घेतली. प्रशिक्षणाची रचना, विषयांची मांडणी आणि प्रत्यक्ष अंमलबजावणी याबाबत समाधान व्यक्त करत त्यांनी प्रशिक्षण अधिक प्रभावीपणे राबविण्याच्या सूचना दिल्या. जनगणनेतील प्रत्येक टप्पा अचूक आणि सुलभ पद्धतीने पार पाडण्यासाठी कर्मचाऱ्यांना आवश्यक ते कौशल्य देण्यावर भर दिला जात असल्याचे त्यांनी नमूद केले. विशेषतः घरगुती सर्वेक्षण, माहिती संकलनातील काटेकोरपणा, नागरिकांशी संवाद कौशल्य आणि डिजिटल साधनांचा वापर या बाबींचे प्रशिक्षण प्रभावीपणे दिले जात असल्याचे त्यांनी पाहिले. ॲप-आधारित डेटा नोंदणी आणि पडताळणी प्रक्रियेमुळे काम अधिक सुलभ आणि पारदर्शक होत असल्याचेही त्यांनी अधोरेखित केले. यावेळी उपायुक्त तथा शहर जनगणना अधिकारी सचिन पवार म्हणाले की, प्रशिक्षणाच्या माध्यमातून प्रत्येक प्रगणक व पर्यवेक्षकाला प्रत्यक्ष कामासाठी सक्षम केले जात आहे. अचूक माहिती संकलन आणि वेळेवर डेटा सादर करणे हीच या प्रक्रियेची खरी किल्ली असून त्यासाठी आम्ही सर्व पातळ्यांवर काटेकोर नियोजन केले आहे. या प्रशिक्षणामुळे प्रगणक व पर्यवेक्षक अधिक सक्षम बनत असून आगामी जनगणनेसाठी आवश्यक तयारी बळकट होत आहे. शहराच्या सर्वांगीण विकासासाठी अचूक लोकसंख्येची माहिती उपलब्ध होण्यास या मोहिमेचा मोठा हातभार लागणार आहे. जनगणनेचा पहिला टप्पा १६ मे ते १४ जून २०२६ दरम्यान होणार असून, त्याअंतर्गत विविध क्षेत्रीय कार्यालयांमध्ये तीन दिवसीय प्रशिक्षण सत्रे आयोजित करण्यात आली आहेत. …….. कोट : जनगणना ही शहराच्या नियोजनासाठी अत्यंत महत्त्वाची आणि मूलभूत प्रक्रिया आहे. शहराच्या पायाभूत सुविधा, आरोग्य, शिक्षण, वाहतूक, पाणीपुरवठा यांसारख्या विविध क्षेत्रांतील भविष्यातील नियोजन हे अचूक लोकसंख्येच्या माहितीवरच अवलंबून असते. त्यामुळे प्रत्येक कर्मचाऱ्याने आपली जबाबदारी ओळखून अत्यंत दक्षतेने आणि प्रामाणिकपणे काम करणे गरजेचे आहे. जनगणना प्रक्रियेतील प्रत्येक टप्प्यावर समन्वय, शिस्त आणि वेळेचे पालन राखले, तरच अचूक व विश्वासार्ह माहिती संकलित होऊ शकते. ही केवळ शासकीय जबाबदारी नसून शहराच्या सर्वांगीण विकासासाठी प्रत्येकाने योगदान देण्याची ही एक महत्त्वाची संधी आहे. -कुलदीप जंगम अतिरिक्त आयुक्त पिंपरी चिंचवड महानगरपालिका …… कोट: जनगणना प्रक्रियेत अचूकता आणि वेळेचे नियोजन ही सर्वात महत्त्वाची बाब आहे. प्रत्येक प्रगणक व पर्यवेक्षकाने प्रशिक्षणात दिलेल्या सूचनांचे काटेकोर पालन करून नागरिकांकडून विश्वसनीय माहिती संकलित करणे आवश्यक आहे. डिजिटल साधनांचा प्रभावी वापर, डेटा पडताळणीतील दक्षता आणि नागरिकांशी सकारात्मक संवाद यामुळे ही प्रक्रिया अधिक सुलभ आणि पारदर्शक होईल. योग्य नियोजन आणि समन्वयाच्या बळावर आपण जनगणना प्रक्रिया यशस्वीपणे पूर्ण करू शकतो. -सचिन पवार उप आयुक्त तथा शहर जनगणना अधिकारी पिंपरी चिंचवड महानगरपालिका

Posted By: news pcmcon: April 24, 2026In: ठळक घडामोडी, पिं चिं शहर व उपनगर वार्ता

जनगणनेसाठी नियुक्त करण्यात आलेल्या प्रगणक, पर्यवेक्षक आणि फील्ड ट्रेनर्स यांना केले मार्गदर्शन न्यूज पीसीएमसी नेटवर्क पिंपरी-चिंचवड | दि. २४ एप्रिल २०२६ :- पिंपरी चिंचवड महानगरपालिकेच्या जनग... Read more

Follow Us

Whatsapp Subscription