न्यायालयाच्या समस्या सोडविण्यास महापालिका नेहमीच राहणार कटिबद्ध – एकनाथ पवार  

न्यूज पीसीएमसी नेटवर्क

पिंपरी (दि. ९ डिसें) :-  पिंपरी चिंचवड अॅडव्होकेट्स बार असोसिएशन व पुणे जिल्हा विधी सेवा प्राधिकरण, दिवाणी व फौजदारी न्यायालय यांच्या संयुक्त विद्यमाने शनिवार (दि. ८) रोजी मोरवाडी येथील पिंपरी न्यायालय व आकुर्डी मनपा न्यायालयात लोक न्यायालयाचे आयोजन करण्यात आले होते. यात शेकडो खटले निकाली काढण्यात आले.

आकुर्डी न्यायालयाचे न्यायाधिश मे. माधुरी खनवे यांच्या हस्ते या लोक न्यायालयाचे उदघाटन करण्यात आले. कार्यक्रमाचे प्रमुख पाहुणे मनपाचे सत्तारूढ पक्षनेते एकनाथ पवार होते. आकुर्डी न्यायालय लोक न्यायालयाचे उद्घाटन ज्येष्ठ विधीज्ञ अॅड. सोपान माने यांच्या हस्ते झाले तर कार्यक्रमाच्या अध्यक्षस्थानी अंधश्रधा निर्मुलन समितीच्या पिंपरी चिंचवड विभागाच्या अध्यक्षा अॅड. मनीषा महाजन होत्या.

यावेळी पिंपरी न्यायालयातील प्रभारी मुख्य न्यायाधीश एस. जी. अग्रवाल, सह न्यायाधीश ए. यु. सुपेकर व सह न्यायाधीश एन. टी. भोसले, पिंपरी चिंचवड अॅडव्होकेट्स बार असोसिएशनचे अध्यक्ष अॅड. सुनील कडुसकर, उपाध्यक्ष अॅड. योगेश थंबा, सचिव अॅड. गोरख कुंभार, महिला सचिव अॅड. स्मिता लांडे पाटील, सहसचिव अॅड. अंकुश एम. गोयल, ऑडीटर अॅड. महेश टेमगिरे, सदस्य अॅड. निलेश ठोकळ, अॅड. सुनील रानवडे, अॅड. पुनम राऊत, अॅड. केशव घोगरे, अॅड. विलास कुटे, अॅड. सुनील कड, अॅड. सुदाम साने, अॅड. सुरज खाडे, अॅड. पद्मावती पाटील, अॅड. निखील बोडके, अॅड. किशोर आरडकर, अॅड. गणेश राऊत, अॅड.संभाजी वाघमारे आदी उपस्थित होते.

सत्तारुढ पक्षनेते एकनाथ पवार यांनी न्यायालया च्याबाबतीतील सर्व प्रश्न सोडविण्याकरीता पिंपरी चिंचवड महानगरपालिका सर्वपरीने मदत करणार असल्याचे आश्वासन दिले. बारचे अध्यक्ष अॅड. सुनील कडुसकर यांनी जास्तीत जास्त पक्षकारांनी लोकन्यायालयात सहभागी होऊन जास्तीत जास्त खटले निकाली काढावेत, असे आवाहन केले.

पॅनल परिक्षक अॅड. सागर आडागळे, अॅड. जयश्री कुटे, अॅड. प्रतीक्षा खिल्लारी, अॅड. संगीता कुशालकर, अॅड.मनाली सावंत, अॅड. दिलीप शिंगोटे, अॅड. मोनिका गाढवे, अॅड. शिवाजी महानवर यांनी काम पाहिले.

कार्यक्रमाचे सूत्रसंचालन सचिव अॅड. गोरख कुंभार यांनी तर आभार महिला सचिव अॅड. स्मिता लांडे यांनी केले.