न्यूज पीसीएमसी नेटवर्क
पिंपरी (दि. ०२ जून २०२३) :- महाराष्ट्र बोर्डाकडून दहावी परीक्षेचा निकाल जाहीर करण्यात आला आहे. दहावीच्या विद्यार्थ्यांना बोर्डाच्या अधिकृत वेबसाइटवर जाऊन निकाल पाहता येणार आहे. विद्यार्थी हे लिंकवरुन आणि खालील स्टेप्स फॉलो करून निकाल पाहू शकतात.
निकाल जाहीर झाल्यानंतर सर्वजण अधिकृत वेबसाइटच्या लिंकवर क्लिक करतात. त्यामुळे काही वेळासाठी बोर्डाची वेबसाइट हॅंग होण्याची शक्यता असते. विद्यार्थ्यांना आपल्या निकालाबद्दल आधीच धाकधूक असते. त्यात वेबसाइट हॅंग झाल्यावर विद्यार्थी अधिक गोंधळून जातात. पण अशावेळी तुम्हाला काळजी करण्याची गरज नाही. कारण वेबसाइट हॅंग झाली तरी तुम्हाला तुमचा निकाल मोबाइलवर देखील कळू शकणार आहे. दहावीचा निकाल पाहण्यासाठी एसएमएस सुविधा देखील उपलब्ध करुन देण्यात आली आहे. यासाठी दिलेल्या क्रमांकावर एक एसएमएस पाठवा आणि काही मिनिटातच निकाल तुमच्या स्क्रिनवर दिसू शकेल.
तुमच्या मोबाइलमध्ये SMS अॅपवर जा. क्रिएट न्यू मेसेजवर क्लीक करा. तिथे MHHSC (स्पेस) सीट क्रमांक (उदा. १२३४५६) हे डिटेल्स भरा. हा मेसेज ५७७६६ या क्रमांकावर पाठवा. काही मिनिटांतच तुमच्या फोनवर निकालाचा तपशील येईल.
न्यूज पीसीएमसी Whatsapp Share करीता आपला मो.नं.रजिस्टर करा.