न्यूज पीसीएमसी नेटवर्क
पिंपरी-चिंचवड (दि. १५ जानेवारी २०२६) :- पिंपरी-चिंचवड महापालिका निवडणुकीसाठी आज गुरुवारी मतदान सुरु आहे. मतदारांनी मतदान करताना केवळ उमेदवार किंवा पक्ष न पाहता शहराच्या मूलभूत प्रश्नांचा विचार करावा, असा संदेश नागरिकांमध्ये चर्चेचा विषय ठरत आहे. पाणीपुरवठा, वाहतूक कोंडी, कचरा व्यवस्थापन, प्रदूषण, आरोग्य सेवा, शिक्षण, सुरक्षितता आणि रस्त्यांची दुरवस्था हे प्रश्न आजही शहरासाठी गंभीर आहेत.
गेल्या काही वर्षांत शहराचा विस्तार वेगाने झाला असून त्याला पूरक पायाभूत सुविधा मात्र मागे पडल्याचे चित्र आहे. अनेक भागांत अनियमित पाणीपुरवठा, वाढती वाहतूक कोंडी आणि नागरिकांच्या तक्रारी कायम आहेत. त्यामुळे मतदान करताना “हा उमेदवार या प्रश्नांवर ठोस भूमिका घेईल का?” हा प्रश्न स्वतःला विचारणे गरजेचे असल्याचे मत व्यक्त होत आहे.
लोकशाहीमध्ये मतदान हा केवळ अधिकार नसून जबाबदारी आहे. भावनिक मुद्द्यांपेक्षा शहराच्या दीर्घकालीन विकासाचा विचार करून मतदान करणे आवश्यक असल्याचे जाणकार सांगतात. योग्य निर्णयामुळेच पुढील पाच वर्षांचे शहराचे भविष्य ठरणार असल्याने मतदारांनी विवेकबुद्धीने मतदान करावे, असे आवाहन विविध स्तरांतून करण्यात येत आहे.
न्यूज पीसीएमसी Whatsapp Share करीता आपला मो.नं.रजिस्टर करा.