बोगस प्रमाणपत्रांद्वारे SC आरक्षणात घुसखोरी; उपवर्गीकरण तात्काळ लागू करा!

Posted By: news pcmcon: November 12, 2026In: ठळक घडामोडी, पिं चिं शहर व उपनगर वार्ता, पुणे

अतिवंचित घटकांना न्याय द्या..
बोगस जात प्रमाणपत्रांची सखोल चौकशी करा..
आमदार अमित गोरखे यांची मागणी…

न्यूज पीसीएमसी नेटवर्क

पिंपरी-चिंचवड (दि. १२ नोव्हेंबर २०२६) :- अनुसूचित जातींच्या (SC) आरक्षणात बोगस प्रमाणपत्रांच्या आधारे घुसखोरी होत असल्याचा आरोप आमदार अमित गोरखे यांनी केला आहे. नामसदृश्यतेचा फायदा घेऊन इतर प्रवर्गातील व्यक्ती SC आरक्षणाचा लाभ घेत असल्याने खऱ्या अर्थाने मागास व अतिवंचित समाजघटकांवर अन्याय होत असल्याचे त्यांनी म्हटले आहे.

बोगस जात प्रमाणपत्रांची शासनाने तातडीने सखोल चौकशी करावी, अशी मागणीही त्यांनी केली. सर्वोच्च न्यायालयाने १ ऑगस्ट २०२४ रोजी अनुसूचित जातींच्या आरक्षण उपवर्गीकरणाबाबत दिलेल्या निर्णयाच्या पार्श्वभूमीवर महाराष्ट्रातही उपवर्गीकरण तातडीने लागू करावे, असे गोरखे यांनी सांगितले.

पंजाब आणि हरियाणासह इतर राज्यांच्या धर्तीवर ‘अतिवंचितपणा’ हा प्रमुख निकष मानून उपवर्गीकरणाची अंमलबजावणी करावी. जनगणना किंवा लोकसंख्येच्या आकडेवारीचे कारण देऊन निर्णय लांबवू नये. शिक्षण, नोकरी आणि शासकीय योजनांचा लाभ खऱ्या गरजू घटकांपर्यंत पोहोचण्यासाठी उपवर्गीकरण आवश्यक असल्याचे आमदार अमित गोरखे यांनी स्पष्ट केले.

Spread the love

news pcmc

'' न्यूज पीसीएमसी '' हे पोर्टल आपल्या पिंपरी-चिंचवड शहरातील घडामोडींची बित्तं-बातमी देणारं संकेतस्थळ आहे. बातमीचा मागोवा घेऊन, आहे तशी बातमी वाचकांपर्यंत पोहोचविणे, हेच ''न्यूज पीसीएमसी''चे अंतीम ब्रीद आहे. कृपया आपणांस काही सुचवायचे असलयास आपण [email protected] या ईमेलवरती आपल्या सूचना पाठवाव्यात. आपल्या सुचनांचा नक्कीच आम्ही स्विकार करू. धन्यवाद. संपादक....