साथीदारांसह तरुणाला मारहाण; पिंपळे निलख येथील घटना

न्यूज पीसीएमसी नेटवर्क

पिंपरी (दि. ३ ऑगस्ट २०१९) :-  भरत मधुकर पवार (वय २४) असे मारहाणीत जखमी तरुणाचे नाव आहे. त्याने याप्रकरणी फिर्याद दिली आहे. त्यानुसार, विजय पिल्ले व त्याच्या दोन साथीदारांविरोधात गुन्हा दाखल करण्यात आला आहे.

फिर्यादी भरत व विजय यांच्यामध्ये बुधवारी सायंकाळी पाचच्या सुमारास भांडण झाले होते. त्याचा राग मनात धरून आरोपी विजय त्याच्या दोन साथीदारांसह रात्री दहाच्या सुमारास भरत रहात असलेल्या बिल्डींगच्या पार्किंगमध्ये आला. त्याने भरत याला कठीण हत्याराने व लाथा बुक्क्यांनी मारहाण केली. यात भरत गंभीर जखमी झाला. पिंपळे निलख येथील गणेश नगरमध्ये बुधवारी (दि. ३१) रात्री दहाच्या सुमारास ही घटना घडली. सांगवी पोलीस तपास करीत आहेत.