- भाविकांना गडावर येण्यास मात्र प्रवेशबंदीच…
न्यूज पीसीएमसी नेटवर्क
पिंपरी ( १२ ऑक्टोबर २०२०) :- महाराष्ट्रातील जागृत देवस्थान असलेल्या कार्ला वेहेरगाव गडावरील आई एकविरा देवीचा नवरात्र उत्सव येत्या १७ आँक्टोबर पासून सुरू होणार आहे. घटस्थापनेच्या दिवसापासून महानवमी होमापर्यत सर्व धार्मिक विधी परंपरेनुसार विधिवत होणार असल्याची माहिती श्री एकविरा देवस्थान प्रशासकीय समितीचे अध्यक्ष तथा वडगाव कोर्टाचे न्यायाधीश संजय मुळीक यांनी दिली.
कोरोना महामारीच्या पार्श्वभूमीवर राज्यातील सर्व मंदिरे बंद ठेवण्याचा निर्णय आजून कायम असल्याने उत्सव काळात भाविकांना गडावर येण्यास बंदी राहील. नागरिकांनी गडावर येण्याचा प्रयत्न करू नये, असे आवाहन मुळीक यांनी केले आहे.
यात्रा काळात देवीचा पहाटेचा अभिषेक, सकाळ व संध्याकाळची आरती, सप्तशृंगी पाठाचे पठन, महानवमी होम हे सर्व धार्मिक कार्यक्रम परंपरागत पद्घतीने फिजिकल डिस्टन्सिंगच्या नियमांचे पालन करून केले जाणार आहेत. यावर्षी नवरात्र उत्सव काळात शासकीय अधिकार्यांसह भाविकांच्या सुविधेसाठी देवस्थानाला वस्तूं रुपाने मदत करणारे भाविक यांना देखील अभिषेकाला बसण्याची संधी देण्यात येणार आहे.