- विनामास्क आठशेपेक्षा अधिक बेशिस्तांना घडविली अद्दल..
न्यूज पीसीएमसी नेटवर्क
पिंपरी (दि. २५. मे. २०२१) :- कोरोना महामारीच्या पार्श्वभूमीवर कठोर निर्बंध लागू करण्यात आले आहेत. तसेच वीकेंड लॉकडाऊन करण्यात आला आहे. असे असतानाही बेशिस्त नागरिक घराबाहेर पडून नियमांचे उल्लंघन करीत आहेत. अशाच पद्धतीने शनिवारी (दि. २२) विनामास्क फिरणाऱ्या ४४८ तर रविवारी (दि. २३) ३५४ नागरिकांवर, अशा एकूण ८०२ जणांवर वीकेंड लॉकडाऊनला पोलिसांनी कारवाई केली.
पिंपरी चिंचवड शहरात कोरोना रुग्णांच्या दैनंदिन संख्येत घट होत असली, तरी खबरदारी घेण्याचे आवाहन प्रशासनाकडून करण्यात येत आहे. कोरोना विषाणूंच्या संसर्गाची साखळी तोडण्यासाठी विविध उपाययोजना करण्यात येत आहेत त्यासाठी संचारबंदी लागू करण्यात आली आहे. तरीही काही बेशिस्त नागरिक विनाकारण घराबाहेर फिरतात.
पोलिसांनी रविवारी विनामास्क फिरणा-यांवर केलेली कारवाई पुढीलप्रमाणे आहे :- एमआयडीसी भोसरी (५०), भोसरी (१८), पिंपरी (१६), चिंचवड (५६), निगडी (०८), आळंदी (०४), चाकण (०५), दिघी (२३), सांगवी (२४), वाकड (१०) हिजवडी (५७), देहूरोड (३८), चिखली (२२), तळेगाव एमआयडीसी (०९), रावेत चौकी (११), शिरगाव चौकी (१३) या पोलीस ठाण्यांतर्गत पोलिसांनी रविवारी ३५४ जणांवर कारवाई केली आहेत. अशा नागरिकांवर दंडात्मक कारवाई करण्यात येत आहे. तसेच काही नागरिक मास्कचा योग्य वापर करीत नसल्याचे दिसून येते. अशा नागरिकांवरही कारवाई होत आहे.
न्यूज पीसीएमसी Whatsapp Share करीता आपला मो.नं.रजिस्टर करा.