न्यूज पीसीएमसी नेटवर्क
पिंपरी (दि. २८ मार्च २०२२) :- कुटुंब, समाज व देश आत्मनिर्भर करावयाचा असल्यास कुटुंबातील अत्यंत महत्वाचा घटक महिला यांना विविध व्यवसायिक प्रशिक्षण देऊन त्यांना त्या व्यवसायाची साधने उपलब्ध करून देणे गरजेचे आहे, तरच संपूर्ण देश आत्मनिर्भर,होईल, असे प्रतिपादन दिनेश यादव यांनी केले.
सोमवार (दि. २८) रोजी कुदळवाडी येथे महापालिकेच्या मोफत शिवण क्लास व ब्युटी पार्लर प्रशिक्षण पूर्ण केलेल्या ८० महीलांना प्रमाणपत्र वाटप करण्यात आले. सामाजिक बांधिलकी जपून समाज ऋण फेडण्यासाठी दिनेश यादव व निशा यादव यांनी कुदळवाडीतील महिलांना आत्मनिर्भर बनण्यासाठी हे प्रशिक्षण वर्ग सुरू केले होते.
दिनेश यादव म्हणाले, शेती व्यवसाय बेभरवशाचा झाला. नोकरी नाही आणि सध्या आत्मनिर्भरतेवर विशेष जोर आहे. म्हणून कुटुंबातील अत्यंत महत्वाचा घटक महिला यांनी कपडे, शिवणे, सण व उत्सवाला लागणारे साहित्य घरीच तयार करून विकणे हे आत्मनिर्भरतेचे मार्ग स्वीकारून आर्थिकदृष्टया सक्षम राष्ट्र उभारणीस हातभार लवावा व स्वतः ही आर्थिक सबल व्हावे. महापालिकेच्या सहकार्याने यापुढेही आपण हे प्रशिक्षण वर्ग आयोजित करणार आहोत. महीला सक्षमीकरण करण्यासाठी आपापल्या भागात वेगवेगळे उपक्रम राबवा, असे आवाहन आमदार महेश लांडगे व पुजाताई लांडगे करीत असतात, असे दिनेश यादव यांनी उपस्थित महिलांना सांगितले.
सुत्रसंचलन काका शेळके यांनी केले.