‘मावळचा जलनायक’ रिल्स ठरली प्रथम क्रमांकांचे विजेती..

• आदित्यराजे मराठे ठरले महाराष्ट्राचा लोकप्रिय रिल्स स्टार विजेते…

न्यूज पीसीएमसी नेटवर्क

देहु वार्ताहर (दि. 13 डिसेंबर 2023) :- मावळचे आमदार सुनिल शेळके यांच्या वाढदिवसानिमित्त अनिकेत घुले मित्रपरिवार यांच्या वतीने आयोजित करण्यात आलेल्या रिल्स स्टार स्पर्धेतील प्रथम क्रमांकाचे विजेतेपदाचा मान आदित्यराजे मराठे यांच्या ‘मावळचा जलनायक’ या रिल्सने मिळविला.

आमदार सुनिल शेळके व मान्यवरांच्या हस्ते विजेत्यांना रोख पारितोषिक आणि सन्मानचिन्ह देऊन गौरवण्यात आले.

प्रथम क्रमांकाच्या विजेत्याला एक लाख अकरा हजार, उपविजेते अभी मोरे यांच्या हॉस्पिटल मदतीच्या सत्य घटनेवर आधारित रिल्सला ७७ हजार, तृतीय क्रमांकाचे पारितोषिक मिळालेल्या प्रजुल ढाकोळ यांच्या हॉस्पिटल मदत रिल्सला ५५ हजार, चतुर्थ क्रमांक विजेते किशोर तांदळे यांना ४४ हजार, पाचव्या क्रमांकाचे विजेते अजित घावटे यांना ३३ हजार, सहाव्या क्रमांकाचे विजेते गणेश चोरघे यांना २२ हजार, सातव्या क्रमांकाचे विजेते राहुल पाटील यांना अकरा हजार रुपयांचे रोख बक्षीस देण्यात आले. तसेच मोस्ट लाईक्स आणि व्हिवुज हे विशेष पारितोषिक गणेश चोरघे यांना देण्यात आले.तसेच स्पर्धेत सहभाग घेतलेल्यापैंकी तीस जणांना उत्तेजनार्थ पारितोषिक देण्यात आले.

युवकांच्या करियरसाठी केलेल्या कार्याबद्दल काव्या करियर अकॅडमीचे संस्थापक शंकर हुरसाळे यांना विशेष सन्मानाने गौरविण्यात आले.

युवा नेते अनिकेत घुले यांच्या वतीने स्पर्धेचे आयोजन करण्यात आले होते. या कार्यक्रमास सांप्रदायिक क्षेत्रातील संग्रामबापू भंडारे, कबीर आत्तार, सोपान कण्हेरकर,अमलेश जवळकर, मराठी चित्रपट मंडळाचे अध्यक्ष मेघराजराजे भोसले, प्रा.विठ्ठल कांगणे,वास्तुशास्त्र तज्ञ आनंद पिंपळकर,मधुकर वाघोले, देवाभाऊ गायकवाड,अतुल मराठे, प्रकाश धिंडले, चांडाळ चौकटीच्या करामती या मालिकेतील कलाकार सुभाषराव मदने, रामभाऊ जगताप, रोहित पाटील, अभिनेत्री मोनालिसा बागल,अश्विनी बागल, हिंदवी पाटील, कावेरी घंगाळे,तसेच विविध क्षेत्रातील मान्यवर उपस्थित होते.परीक्षक म्हणून प्रसारमाध्यम तंत्रज्ञान विशेषज्ञ सुमन नलावडे आणि ज्येष्ठ पत्रकार आमिर खान यांनी काम पाहिले. कार्यक्रमाचे प्रास्ताविक उमेश डोके तर सूत्रसंचालन अक्षय मोरे यांनी केले.