महिलेच्या धाडसाने वाचला एका तरुणाचा जीव…

न्यूज पीसीएमसी नेटवर्क

पिंपरी (दि. ०४ ऑक्टोबर २०२४) :- खेड शिवापूर येथे एका धाडसी महिलेमुळे एका तरुणाचा जीव वाचला. पिंपरी चिंचवड येथील ‘हमारा विश्व फाउंडेशन’च्या अध्यक्षा या दशक्रिया कार्यक्रमानंतर मंगदरी, वेल्हेहून परतत असताना कुंडनपुर फाटा येथे त्या थांबल्या. त्या ठिकाणी त्यांनी एक तरुण मारेकऱ्यांच्या तावडीत सापडलेला पाहिला, ज्यांना लोखंडी रॉड आणि मोठे दगड घेऊन अज्ञात मारेकरी मारहाण करत होते. तरुण रक्तबंबाळ अवस्थेत मदतीसाठी याचना करत होता, परंतु तेथून जाणारे लोक थांबत नव्हते.

अनिता अगरवाल यांनी धाडसाने त्या मारेकऱ्यांना आव्हान दिले आणि तरुणाच्या मदतीसाठी धावून गेल्या. मारेकऱ्यांनी त्यांना शिवीगाळ केली, परंतु अनिता अगरवाल यांच्या धाडसाने घाबरलेल्या मारेकऱ्यांनी अखेर पळ काढला. त्यानंतर त्यांनी लोकांना मदतीसाठी बोलावून तरुणाला रुग्णवाहिकेतून श्लोक हॉस्पिटलमध्ये दाखल केले.

तरुणाचा जीव थोडक्यात वाचला, आणि अनिता अगरवाल यांनी स्थानिकांना धैर्य दाखवण्याचे आवाहन केले. “मी एक महिला असून धाडस करू शकते, तर तुम्ही का भिता? उद्या तुमचा मुलगा, भाऊ, मित्र अशा स्थितीत असू शकतो,” असे बोलून त्यांनी लोकांना सजग होण्यास सांगितले