प्रभाग क्रमांक २८; पिंपळे सौदागरमधून अनिताताई संदीप काटे भाजपकडून प्रबळ दावेदार..

• उमेदवारी मागणी अर्ज शहराध्यक्ष शत्रुघ्न काटेंकडे सुपूर्त…

न्यूज पीसीएमसी नेटवर्क

पिंपळे सौदागर (दि. १० डिसेंबर २०२५) :- पिंपरी चिंचवड महानगरपालिका निवडणूक २०२६ च्या तयारीला वेग आला असून प्रभाग क्रमांक २८ (पिंपळे सौदागर) मधून भाजपच्या इच्छुकांमध्ये अनिताताई संदीप काटे यांच्या उमेदवारीला विशेष महत्त्व प्राप्त झाले आहे. मंगळवारी (दि. ०९) रोजी त्यांनी पक्षाकडे सर्वसाधारण महिला गटातून अधिकृत मागणी उमेदवारी अर्ज भाजप शहराध्यक्ष शत्रुघ्न बापू काटे यांच्याकडे सुपूर्त केला.

अनिताताई काटे यांनी प्रभागात गेल्या काही वर्षांपासून सातत्याने सामाजिक काम करत ओळख निर्माण केली आहे. महिलांमधील सक्रीय सहभाग, सोसायटी पातळीवरील जनसंपर्क, तसेच विविध समस्यांवर त्यांनी घेतलेली पुढाकाराची भूमिका यामुळे कार्यकर्त्यांमध्ये त्यांच्याबाबत सकारात्मक वातावरण निर्माण झाले आहे. अर्ज दाखल करण्याच्या वेळी मोठ्या संख्येने कार्यकर्ते व समर्थक उपस्थित राहिल्याने त्यांच्या संघटनात्मक शक्तीला बळ मिळाले आहे.

पक्षातील अनुकूल वातावरण, प्रभागातील त्यांचा मजबूत संपर्क आणि शहराध्यक्षांसह वरिष्ठ नेतृत्वाच्या पाठींब्यामुळे अनिताताई काटे यांना भाजपची अधिकृत उमेदवारी मिळण्याची शक्यता अत्यंत बलवत्तर मानली जात आहे. त्यामुळे प्रभाग २८ मध्ये भाजपकडून त्यांची उमेदवारी जवळजवळ निश्चित असल्याची राजकीय वर्तुळातील चर्चा अधिकच जोर धरताना दिसत आहे.