जागेच्या वादावरून साथीदारांसह कोयत्याने हल्ला

न्यूज पीसीएमसी नेटवर्क

पिंपरी (दि. ३० जुलै २०१९) :- शशिकांत आणि दीपक यांच्यामध्ये जागेवरून वाद सुरू होता. रविवारी दुपारी चारच्या सुमारास दीपक याने त्याच्या दोन साथीदारांसह शशिकांत यांच्यावर हल्ला केला. दीपक याने लोखंडी कोयता आणि लाकडी दांडक्याने शशिकांत यांना मारहाण केली. यामध्ये शशिकांत गंभीर जखमी झाले.

ही घटना रविवारी (दि. २८) रोजी दुपारी चारच्या सुमारास देहू रस्ता मोशी येथे घडली. शशिकांत रमाकांत बोराटे (वय ३२, रा. देहूरस्ता मोशी) यांनी याप्रकरणी एमआयडीसी भोसरी पोलीस ठाण्यात फिर्याद दिली. त्यानुसार दीपक प्रकाश बोराडे आणि त्याच्या दोन साथीदार यांच्याविरोधात गुन्हा दाखल केला आहे. एमआयडीसी भोसरी पोलीस तपास करीत आहेत.