न्यूज पीसीएमसी नेटवर्क
पिंपरी (दि. २० फेब्रुवारी २०२०) :- पिंपरी चिंचवड महानगरपालिका सेक्टर क्र. २३, निगडी येथील जलशुध्दीकरण केंद्र व स्काडा प्रणालीची माहिती घेण्यासाठी आलेल्या गुजरात राज्याचे पाणीपुरवठा पशुसंवर्धन व ग्रामीण गृहनिर्माण मंत्री कुवरजीभाई बवालिया यांचे स्वागत महापौर उषा उर्फ माई ढोरे व आयुक्त श्रावण हर्डीकर यांनी केले.
या शिष्टमंडळाच्या समवेत खाजगी सचिव राजेश रावल, मुख्य अभियंता निरव सोलंकी, कार्यकारी अभियंता परेश चोक्सी यांचा सहभाग होता. यावेळी सहा. आयुक्त अण्णा बोदडेसह, शहर अभियंता मकरंद निकम, कार्यकारी अभियंता प्रविण लडकत, रामदास तांबे, आदी उपस्थित होते.
यावेळी आयुक्त श्रावण हर्डीकर व पाणीपुरवठा विभागाचे कार्यकारी अभियंता प्रविण लडकत यांनी सादरीकरणाचेवेळी जलशुध्दीकरण व स्काडा प्रणालीची माहिती दिली. तसेच कार्यकारी अभियंता प्रविण लडकत यांच्या समवेत शिष्टमंडळाने सेक्टर क्र. २३, निगडी येथील जलशुध्दीकरण केंद्र व स्काडा प्रणालीची पाहणी केली.
न्यूज पीसीएमसी Whatsapp Share करीता आपला मो.नं.रजिस्टर करा.