पिं. चिं. शहरात आज ४०९ जणांना कोरोनाची बाधा; तर शहरातील आठ जणांचा मृत्यू…

न्यूज पीसीएमसी नेटवर्क

पिंपरी (दि. ११ जुलै. २०२०) :- पिंपरी चिंचवड शहरात आज शनिवारी (दि. ११ जुलै) रोजी ४०९ जणांना कोरोनाची बाधा झालेली आहे. आज पिंपरी चिंचवड हद्दीतील ८ आणि हद्दीबाहेरील २ अशा दहा जणांचा कोरोनामुळे मृत्यू झालेला आहे.

यात पुरूष (वय ७८) चिंचवड, (पुरूष वय ७५) चिखली, (पुरूष वय ६६) पिंपळे गुरव, (पुरूष वय ६२) पिंपरीगाव, (पुरूष वय ७६) पिंपरी, (पुरूष वय ६५) पिंपरी, (पुरूष वय ६०) कासारवाडी, (स्त्री वय ४७) रूपीनगर, (पुरूष वय ७९) देहूरोड, (पुरूष वय ६६) टिंगरेनगर, पुणे यांचा समावेश आहे.

पिं. चिं. शहरातील सक्रीय रुग्णांची संख्या ६९५८ वर पोहोचली आहे. महापालिका रुग्णालयात २५०५ रुग्ण उपचार घेत असून, महापालिका हद्दीतील रहिवाशी परंतु, इतर ठिकाणी उपचार घेत असणाऱ्या रुग्णांची संख्या १६ वर पोहोचली आहे. तर, आजपर्यंत शहरातील एकूण १०२ जणांचा कोरोनामुळे मृत्यू झालेला आहे. शहरातील कोरोनामुक्त रुग्णांची संख्या ३९९४ वर पोहोचली आहे. आज पालिकेने शहरातील कोरोनाने प्रभावित झालेल्या व मुक्त झालेल्या रुग्णांच्या परिसराची माहिती दिलेली नाही.

पावसाळा सुरू झालेला असल्यामुळे वैद्यकिय विभाग, पिं.चिं.म.न.पा. मार्फत सर्व नागरिकांना आवाहन करण्यात येते की, अत्यावश्यक कारणाशिवाय घराच्या बाहेर पडू नये. तसेच पावसाच्या पाण्यामुळे मास्क ओला होणार नाही याची काळजी व दक्षता घ्यावी यासाठी किमान एक तरी अतिरिक्त (Extra) मास्क जवळ बाळगावा, असे आवाहन पालिकेच्या आरोग्य विभागाने केले आहे.