न्यूज पीसीएमसी नेटवर्क
पिंपरी (दि. १९. जुलै. २०२०) :- पिंपरी चिंचवड शहरात आज सोमवारी (दि. २० जुलै) रोजी ६४३ जणांना कोरोनाची बाधा झालेली आहे. आज पिंपरी चिंचवड हद्दीतील १२ जणांचा कोरोनामुळे मृत्यू झालेला आहे.
यात यमुनानगर (पुरुष ८० वर्षे), भोसरी (पुरुष ६५ वर्षे), पिंपळे गुरव (पुरुष ३३ वर्षे), खराळवाडी (पुरुष ६० वर्षे), चिंचवड (पुरुष ५१ वर्षे), पिंपरी (पुरुष ४९ वर्षे, परुष ५२ वर्षे), फुगेवाडी (पुरुष ७४ वर्षे), दापोडी (स्त्री ९० वर्षे), निगडी (स्त्री ६१ वर्षे), वल्लभनगर (स्त्री ७६ वर्षे), रुपीनगर (पुरुष ६१ वर्षे) यांचा समावेश आहे.
पिं. चिं. शहरातील सक्रीय रुग्णांची संख्या ११६८१ वर पोहोचली आहे. महापालिका रुग्णालयात ३२६२ रुग्ण उपचार घेत असून, महापालिका हद्दीतील रहिवाशी परंतु, इतर ठिकाणी उपचार घेत असणाऱ्या रुग्णांची संख्या ४० वर पोहोचली आहे. तर, आजपर्यंत शहरातील एकूण २०९ जणांचा कोरोनामुळे मृत्यू झालेला आहे. शहरातील कोरोनामुक्त रुग्णांची संख्या ७०९० वर पोहोचली आहे. आज पालिकेने शहरातील कोरोनाने प्रभावित झालेल्या व मुक्त झालेल्या रुग्णांच्या परिसराची माहिती दिलेली नाही.
पावसाळा सुरू झालेला असल्यामुळे वैद्यकिय विभाग, पिं.चिं.म.न.पा. मार्फत सर्व नागरिकांना आवाहन करण्यात येते की, अत्यावश्यक कारणाशिवाय घराच्या बाहेर पडू नये. तसेच पावसाच्या पाण्यामुळे मास्क ओला होणार नाही याची काळजी व दक्षता घ्यावी यासाठी किमान एक तरी अतिरिक्त (Extra) मास्क जवळ बाळगावा, असे आवाहन पालिकेच्या आरोग्य विभागाने केले आहे.