आज ११३३ जणांना कोरोनाची बाधा; रुग्णसंख्येने ओलांडला अठरा हजारांचा टप्पा…

न्यूज पीसीएमसी नेटवर्क

पिंपरी (दि. २८. जुलै. २०२०) :- पिंपरी चिंचवड शहरात मंगळवारी (दि. २८ जुलै) रोजी ११३३ जणांना कोरोनाची बाधा झालेली आहे. पिंपरी चिंचवड हद्दीतील ११ आणि हद्दीबाहेरील २ अशा १३ जणांचा कोरोनामुळे मृत्यू झालेला आहे.

यात सांगवी (पुरुष ६८ वर्षे), कासारवाडी (पुरुष ५८ वर्षे), मोशी (स्त्री ६५ वर्षे), चिंचवड (स्त्री ९५ वर्षे), काळेवाडी (पुरुष ७२ वर्षे), भोसरी (स्त्री ८० वर्षे), भोसरी (पुरुष ३४ वर्षे), रुपीनगर (पुरुष ५१ वर्षे), ताथवडे (स्त्री ५८ वर्षे), चिंचवड (पुरुष ७३ वर्षे), वाकड (पुरुष ७३ वर्षे), देहुरोड (स्त्री ७५ वर्षे), फुरसुंगी (पुरूष ७१ वर्षे) यांचा समावेश आहे.

पिं. चिं. शहरातील सक्रीय रुग्णांची संख्या १८३९७ वर पोहोचली आहे. महापालिका रुग्णालयात ३५५० रुग्ण उपचार घेत आहे. तर, आजपर्यंत शहरातील एकूण ३०३ जणांचा कोरोनामुळे मृत्यू झालेला आहे. शहरातील कोरोनामुक्त रुग्णांची संख्या ११९६२ वर पोहोचली आहे. पालिकेने शहरातील कोरोनाने प्रभावित झालेल्या व मुक्त झालेल्या रुग्णांच्या परिसराची माहिती दिलेली नाही.

पावसाळा सुरु झालेला असल्यामुळे वैद्यकिय विभाग, पिं.चिं.म.न.पा. मार्फत सर्व नागरिकांना आवाहन करण्यात येते की, अत्यावश्यक कारणाशिवाय घराच्या बाहेर पडू नये. तसेच पावसाच्या पाण्यामुळे मास्क ओला होणार नाही याची काळजी व दक्षता यावी यासाठी किमान एक तरी अतिरिक्त (Extra) मास्क जवळ बाळगावा.