- महिलेची वाकड पोलीस ठाण्यात फिर्याद…
न्यूज पीसीएमसी नेटवर्क
पिंपरी (दि. ०९. मार्च २०२१) :- आरोपीने फिर्यादी महिला व तिच्या पतीवर सोशल मीडियाद्वारे पाळत ठेवली. तसेच फिर्यादीला वारंवार फोन केला. तू जर माझ्याशी बोलली नाहीस तर तुझे व माझे पर्सनल फोटो तुझ्या नवऱ्याला व नातेवाईकांना पाठवेन, अशी धमकी दिली.
तू मला आवडतेस, तू तुझ्या नवऱ्याला सोडून माझ्याकडे ये, मला तुझ्यासोबत रिलेशन ठेवायचे आहे. मला तुझ्याशिवाय करमत नाही, असे म्हणाला व फिर्यादीच्या मनाला लज्जा उत्पन्न होईल असे बोलला.
फिर्यादीने त्यास नकार दिला. त्यावेळी आरोपीने फोनवरून शिवीगाळ केली. तुला व तुझ्या नवऱ्याला जगू देणार नाही, अशी धमकी दिली. रोहन राजेंद्र वहीले (वय २५, रा. देहूरोड), असे आरोपीचे नाव आहे. याप्रकरणी २५ वर्षीय महिलेने वाकड पोलीस ठाण्यात फिर्याद दिली आहे. एप्रिल २०२० ते ८ मार्च २०२१ दरम्यान हा प्रकार घडला.