न्यूज पीसीएमसी नेटवर्क
पिंपरी (दि. २९ मे. २०२१) :-पिंपरी चिंचवड महानगरपालिकेच्या लसीकरण केंद्रावर उद्या (दि.३०) रोजी ‘कोव्हॅक्सिन’व ‘कोविशिल्ड’ लस वय वर्षे ४५ पुढील नागरिकांना देण्यात येणार आहे.
‘कोव्हॅक्सिन’ चा दुसरा डोस हा पहिल्या डोस नंतर २८ दिवस झालेल्या लाभार्थ्यांना देण्यात येणार आहे. त्या अनुषंगाने उद्या (दि. ३०) रोजी फक्त वय वर्षे ४५ पेक्षा जास्त वयोगटामधील लाभार्थींना ‘कोव्हॅक्सिन’ चा दुसरा डोस खालील लसीकरण केंद्रावर सकाळी १०.०० ते सायं. ५.०० या कालावधीत देण्यात येईल. प्रत्येकी १५० डोस केंद्रावर उपलब्ध असणार आहेत.
पिंपरी चिंचवड महापालिकेच्या यमुनानगर रुग्णालय, तालेरा रुग्णालय, सावित्रीबाई फुले शाळा, भोसरी, नवीन जिजामाता रुग्णालय, आचार्य अत्रे सभागृह वायसीएम रुग्णालय जवळ, खिंवसरा पाटील रुग्णालय, थेरगाव, नवीन आकुर्डी रुग्णालय, कासारवाडी दवाखाना या केंद्रावर लसीकरण होणार आहे.
ज्या लाभार्थ्यांनी पुर्वी ‘कोविशिल्ड’ या लसीचा पहिला डोस व दुसरा डोस हा पहिल्या डोसनंतर १२ ते १६ आठवडयांच्या दरम्यान (८४ दिवसानंतर ते ११२ दिवसपर्यत) अशांना देण्यात येणार आहे. या अनुषंगाने उद्या (दि. ३०) रोजी फक्त वय वर्षे ४५ पेक्षा जास्त वयोगटामधील लाभार्थींना ‘कोविशिल्ड’ पहिला व दुसरा डोस ५७ लसीकरण केंद्रावर १०० लाभार्थींच्या क्षमतेने सकाळी १०.०० ते सायं. ५.०० या कालावधीत देण्यात येईल.