शुक्रवारीही १८ ते ४४ वयोगटातील लाभार्थींना ‘कोव्हॉक्सीन’ चा डोस..

• ४५ वयोगटावरील लाभार्थींनाही ‘कोव्हॉक्सीन’ व ‘कोविशिल्ड’चा नियमित डोस ..

न्यूज पीसीएमसी नेटवर्क

पिंपरी (दि. ०३ जून २०२१) :- पिंपरी चिंचवड शहरात उद्या (दि. ०४) शुक्रवारी ‘कोव्हॉक्सीन’ वय वर्षे १८ ते ४४ वयोगटातील लाभार्थींना फक्त दुसरा डोस हा पहिल्या डोस नंतर २८ दिवस झालेल्या लाभार्थ्यांना १०० लाभार्थींच्या क्षमतेने देण्यात येणार आहे.

हा डोस पिंपरी चिंचवड महापालिकेच्या सावित्रीबाई फुले, प्रायमरी स्कुल, भोसरी, नवीन जिजामाता रुग्णालय, प्रेमलोक पार्क दवाखाना या तीन लसीकरण केंद्रावर सकाळी १०.०० ते सायं. ५.०० या कालावधीत देण्यात येईल.

तसेच उद्या ‘कोव्हॉक्सीन’ वय वर्षे ४५ वरील लाभार्थींना फक्त दुसरा डोस हा पहिल्या डोस नंतर २८ दिवस झालेल्या लाभार्थ्यांना १०० लाभार्थींच्या क्षमतेने महापालिकेच्या कै. ह.भ.प. प्रभाकर मल्हारराव कुटे मेमोरीयल हॉस्पीटल, आकुर्डी, आचार्य अत्रे सभागृह वाय.सी.एमरुग्णालयाजवळ, खिवंसरा पाटील हॉस्पिटल, थेरगाव, यमुनानगर रुग्णालय, निगडी, अहिल्याबाई होळकर सांगवी मनपा शाळा या पाच लसीकरण केंद्रावर सकाळी १०.०० ते सायं. ५.०० या कालावधीत देण्यात येईल.

उद्या (दि. ०४) रोजी फक्त वय वर्षे ४५ पेक्षा जास्त वयोगटामधील लाभार्थींना ‘कोविशिल्ड’चा पहिला डोस व दुसरा डोस हा पहिल्या डोसनंतर १२ ते १६ आठवडयांच्या दरम्यान म्हणजे (८४ दिवसानंतर ते ११२ दिवसपर्यत) देण्यात येणार आहे. या अनुषंगाने हा डोस पिंपरी चिंचवड महानगरपालिकेच्या ५६ लसीकरण केंद्रावर १०० लाभार्थींच्या क्षमतेने सकाळी १०.०० ते सायं. ५.०० या कालावधीत देण्यात येईल.

महापालिकेच्या सर्व लसीकरण केंद्रावर (दि.०४) रोजी सकाळी ९.०० वाजल्यानंतर टोकन वाटप करण्यात येईल. त्यामुळे नागरिकांनी वेळेआधी लसीकरण केंद्रावर गर्दी करु नये, असे आवाहन करण्यात आले आहे.