जमिनीची दुबार विक्री करून एकाची ५२ लाखांची फसवणूक..

• सहा जणांविरोधात गुन्हा दाखल…

न्यूज पीसीएमसी नेटवर्क

पिंपरी दि. २९ जुलै २०२१) :- दारुंब्रे येथील गट नंबर २६ मधील २४ आर जमिनीचे साठेखत आणि २२ मार्च २०१८ रोजी कधीही रद्द न होणारे कुलमुखत्यारपत्र फिर्यादी यांच्या नावे करून दिले. त्यापोटी फिर्यादी यांच्याकडून ५२ लाख २५ हजार रूपये आरोपींनी स्वीकारले. या जमिनीबाबत देवीसिंग चितोडीया या व्यक्ती सोबत व्यवहार झाल्याचे आरोपींनी फिर्यादीस कल्पना दिली नाही.

तसेच २६ मार्च २०२१ रोजी वडगाव मावळ दुय्यम निबंधक कार्यालयात आरोपीने देवीसिंग पन्नीसिंग चितोडिया (रा. दारुंब्रे, ता. मावळ) यांना खरेदीखत करून दिले. या प्रकरणात आरोपींनी फिर्यादी यांची ५२ लाख २५ हजार रुपयांची फसवणूक केली.

धनंजय काशीपाटील कलाटे (वय ३७, रा. डांगे चौक, वाकड) यांनी याबाबत तळेगाव दाभाडे पोलीस ठाण्यात फिर्याद दिली आहे. त्यानुसार सिताराम गणा आगळे, किरण सिताराम आगळे, प्रियंका किरण आगळे, चंद्रकांत शेलार, मंदा चंद्रकांत शेलार, मच्छिंद्र विजय कोल्लम (सर्व रा. दारुंब्रे, ता. मावळ) दाखल करण्यात आला आहे. तळेगाव दाभाडे पोलीस तपास करीत आहेत.