- ओमायक्रोनचे १५ नवीन रुग्ण; ६४ रुग्ण घरी…
न्यूज पीसीएमसी नेटवर्क
पिंपरी (दि. ०९ जानेवारी २०२१) :- पिंपरी-चिंचवड शहरात आज रविवारी (दि. ९) रोजी १५३५ जणांना कोरोनाची बाधा झालेली आहे. पिंपरी-चिंचवड शहरातील उपचाराला दहा दिवस पूर्ण झालेल्या आणि कोणतीही लक्षणे नसलेल्या ५२ रुग्णांना डिस्चार्ज देण्यात आला आहे.
शहरातील सक्रीय रुग्णांची संख्या २८४९३७ वर पोहोचली आहे. कोरोनामुक्त रुग्णांची संख्या २७५४९३ वर पोहोचली आहे. आजपर्यंत शहरातील कोरोनामुळे ४५२६ जणांचा मृत्यू झालेला आहे. पिंपरी चिंचवड हद्दीमधील आज मृत झालेली रुग्णसंख्या ०० एवढी आहे.
ओमायक्रोनचे १५ नवीन रुग्ण आढळलेले आहेत. १५ पैकी ०६ पुरुष व ०९ महिला आहेत. १५ पैकी ०४ रुग्ण कॅनडा, ०१ रुग्ण मालदीव, ०१ रुग्ण दुबई, ०१ रुग्ण माली,०३ रुग्ण युएसए येथुन आलेले आहेत व ०५ रुग्ण परदेशातुन आलेल्या प्रवाश्यांचे संपर्कातील पॉझिटीव्ह रुग्ण आहेत. या रुग्णांना रुग्णालयात दाखल करुन घेण्याची कार्यवाही सुरु आहे. सर्व रुग्णांची प्रकृती स्थिर आहे. एकूण ९१ कोविड- १९ पॉझिटीव्ह रुग्णांपैकी ६४ रुग्णांची पुन्हा १० व्या दिवशी कोविड १९ ची तपासणी करण्यात आली असता कोविड १९ तपासणीचा अहवाल नकारात्मक आला असुन या रुग्णांना घरी सोडुन गृहविलगीकरणात ठेवण्यात आलेले आहे. उर्वरित परदेशी प्रवाशांची कोविड १९ तपासणी करण्याचे कामकाज चालू आहे.