पालिकेचे मुख्य अग्निशमन अधिकारी किरण गावडे यांचा प्रजासत्ताकदिनी सन्मान

• उल्लेखनीय सेवेसाठी केंद्राकडून ‘अग्निशम सेवा पदक’ जाहीर..

न्यूज पीसीएमसी नेटवर्क

पिंपरी (दि. २५ जानेवारी २०२२) :- प्रजासत्ताकदिनाचे औचित्य साधत केंद्रीय गृह मंत्रालयाने आज उल्लेखनीय सेवेसाठी देशातील अग्निशमन सेवेच्या एकूण ४२ अधिकारी-कर्मचाऱ्यांना विविध श्रेणींमध्ये ‘अग्निशम सेवा पदक’ जाहीर केली आहेत.

या पुरस्कारांमध्ये महाराष्ट्रातील सात अग्निशमन अधिकारी व कर्मचाऱ्यांचा समावेश आहे. पिंपरी चिंचवड महापालिकेचे मुख्य अग्निशमन अधिकारी किरण गावडे यांचाही त्यात समावेश आहे. त्यामुळे महापालिकेसह शहराची मान उंचावली आहे.

अग्निशमन रक्षक बाळू देशमुख यांना सर्वोच्च शौर्यासाठी मराणोत्तर ‘राष्ट्रपती अग्निशमन सेवा पदक’ जाहीर झाले आहे. तर मुख्य अग्निशमन अधिकारी प्रशांत रणपिसे यांना विशिष्ट सेवेसाठी ‘राष्ट्रपती अग्निशमन सेवा पदक’ जाहीर झाले आहे.