न्यूज पीसीएमसी नेटवर्क
पिंपरी (दि. २७ डिसेंबर २०२२) :- महाराष्ट्र औद्योगिक विकास महामंडळाच्या रावेत येथील जलशुद्धीकरण केंद्रामधील देखभाल व दुरुस्ती कामकाज केले जाणार आहे.
स्थापत्य देखभाल व दुरुस्ती विभागामार्फत गुरुवारी २९ डिसेंबर रोजी सकाळी ८ ते सायंकाळी ६ वाजेपर्यंत पाणी पुरवठा बंद राहणार असल्याचे एमआयडीसी प्रशासनाकडून सांगण्यात आले आहे. तसेच, शुक्रवारी ३० डिसेंबर २०२२ रोजी पाण्याचा पुरवठा कमी दाबाने व अपुरा होण्याची शक्यता आहे.
पिंपरी-चिंचवड, भोसरी, देहूरोड, कासारवाडी फुगेवाडी, निगडी, सी.एम.ई., आर ॲण्ड डी दिघी, व्ही.एस.एन.एल., कँटोन्मेंट बोर्ड, ओ.एफ.डी.आर. या भागातील नागरिकांनी पाण्याचा जपून वापर करावा, असे आवाहन करण्यात आले आहे.
न्यूज पीसीएमसी Whatsapp Share करीता आपला मो.नं.रजिस्टर करा.