लोकसभेचा निवडणूक कार्यक्रम जाहीर, आचारसंहिता सुरु; मावळ व शिरूरमध्ये २९ एप्रिलला होणार मतदान

न्यूज पीसीएमसी नेटवर्क

पिंपरी (दि. १० मार्च) :- जगातील सर्वात मोठी लोकशाही हे मानाचं बिरूद मिरवणाऱ्या आपल्या देशाच्या सार्वत्रिक निवडणुकीची घोषणा केंद्रीय निवडणूक आयोगानं केली आहे. एकूण ७ टप्प्यात ही निवडणूक प्रक्रिया पार पडले, असे केंद्रीय निवडणूक आयुक्त सुनिल अरोडा यांनी जाहीर केले.

१७ व्या लोकसभेसाठी देशातील २९ राज्यांमध्ये ७ टप्प्यांमध्ये मतदान होणार असून या महासंग्रामाचा निकाल २३ मे रोजी जाहीर होईल. पहिल्या टप्प्यातील मतदानाला ११ एप्रिल रोजी सुरुवात होणार असून मतमोजणी २३ मे रोजी होणार आहे. देशातील ५४३ लोकसभा मतदारसंघासाठीच्या निवडणुकांची घोषणा केंद्रीय निवडणूक आयुक्त सुनिल अरोडा यांनी केली.

त्यामुळे, दिल्लीत असणारे नेते आता गल्लीकडे वळणार आहेत. तर, आपली उमेदवारी निश्चित करण्यासाठी विद्यमान खासदार आणि उच्छुक उमेदवारांची कसरत पाहायला मिळणार आहे.